Is Pregadorias antigas: su signo de sa devozioni - Provincia del ...

Comune di Samassi
Statzioni X
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa décima statzioni si rapresentat su logu aundi su bonu Gesús fiat istétiu ispollau
de su bistiri suu.
Cunsidera, ànima cristiana, cumenti essendu istétiu Gesús ispollau de is bistiris suus
dhi fiant istétias rennovadas totus is liagas. Deh! ànima cristiana, pentza a is doloris
de Gesús e prostrada a peis de cussu divinu Redentori nara cun veru coru plenu de
cumpassioni: Benigníssimu Gesús miu, ita diferéntzia tra mei e Bosu. Bosu totu liagas
e penas, e dèu totu vanidadi, delítzias e plaxeris. Cambiai, o Gesús miu, custa
vida mia, po chi non gustendu is felitzidadis de custu mundu gosi is celestialis delítzias
de s’àtera.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Statzioni XI
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa statzioni undécima si rapresentat su logu aundi su bonu Gesús est istétiu
crucificau.
Cunsidera, ànima cristiana, chi posta in terra sa gruxi cussus crudelis ministrus crucifigint
s’innocenti Gesús cun tres bàrbarus obbilus. Osserva cun cali mansuetúdini
istendit de sèi etotu is bratzus e aberit is manus. Deh! movidí a cumpassioni, e acosta
pentiu a cussa gruxi e naradhi: Clementíssimu Gesús miu crucificau, tenei piedadi de
mei, e fei chi dèu potza bínciri totus is passionis, pensendu a is doloris sufrius asuba
de cussa gruxi, e apustis de ai bíviu crucificau cun Bosu in sa gruxi menèscia de
regnai ancoras in su celu impari cun Bosu, e basai cussa gruxi santa e cantai plenu de
allegria: Salve, o gruxi adoràbbili, tui ses istétia veramenti sa sperantza única de totu
s’universu.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Fac me tecum pie flere
cricifixo condolere
donec ego vixero.
319