Is Pregadorias antigas: su signo de sa devozioni - Provincia del ...

316
Statzioni IV
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
IS PREGADORIAS ANTIGAS - SU SIGNU DE SA DEVOTZIONI
In custa cuarta statzioni si rapresentat su logu aundi su bonu Gesús incontrat s’afligida
Mamma sua.
Cunsidera, ànima cristiana, su dolori de Gesús incontrendu sa desolada Mamma sua;
e su dolori de Maria birendu su Fillu suu Gesús tanti maltratau de is pérfidus Giudeus.
Pentza chi tui ses istétia sa càusa de tanti dolori, po cussu cun is làgrimas a is
ogus nara a s’afligiu Gesús: O Fillu divinu de Maria, o Mamma sa prus isconsolada a
peis bostus prostrada cust’ànima infelitzi domandat perdonu. Fuedhai, o Gesús, a
cust’ànima mia e fadei chi s’allontanit de is cosas mundanas, po camminai sèmpiri
cun bosu e cun Maria tenera Mamma nosta.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Quis est homo qui non fleret
Matrem Christi si videret
in tanto supplicio.
Statzioni V
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa cuinta statzioni si rapresentat su logu aundi su Cireneu fiat istétiu obbligau a
portai sa gruxi de Gesugristu.
Cunsidera ànima cristiana, chi non giai po cumpassioni a Gesús iant is Giudeus
sgravau Gesús de su pesu de sa gruxi, ma dhu cunservai biu fintzas a su Calvàriu po
dhu biri mortu asuba de sa gruxi. Tui ses, o ànima cristiana, su Cireneu chi portas
sa gruxi de Gesús cun tanti debbilesa de ispíritu. Ah! ingrata chi tui ses. Est forzis
disonori su portai sa gruxi e sighiri unu Deus chi tanti po tui at sufriu. Deh! domanda
perdonu e nara: Amantíssimu Gesús miu, mi protestu de bòlliri sèmpiri sufriri
totus is tribbulatzionis e gruxis de custa vida cun perfeta rassignatzioni. Fei, o
Gesús miu, chi sufrendu dèu patzientementi is malis de custa vida mériti de consighiri
is bènis eternus in s’àtera.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Quis non posset contristari, Christi matrem comtemplari.