Is Pregadorias antigas: su signo de sa devozioni - Provincia del ...

Comune di Samassi
Statzioni II
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa segunda statzioni si rapresentat su logu aundi su bonu Gesús iat arriciu sa
pesanti gruxi asuba de is palas.
Cunsidera ànima cristiana, cumenti Gesús abbratzat sa pesanti gruxi e dha portat
fintzas a su monti Calvàriu. Oh! cun cali rassegnatzioni arricit Issu cussa gruxi asuba
de is palas plenas de liagas. Cuntempla su bonu Gesús e impara a portai sa gruxi chi
su Signori ti at destinau. E postrau a peis de Gesús nara cun coru pentiu: Redentori
miu amabbilíssimu a mei e non a Bosu est dépida custa gruxi chi ant formau is pecaus
mius. Donaimí fortzas, o Gesús miu, de abbratzai cun rassignatzioni sa gruxi chi
minescint is pecaus mius, po podi fai sa peniténtzia in custa vida e apustis bolai aundi
seis Bosu, bèni infinitu.
Nareus unu Babbunostu, un’Ave Maria e un Gloria Patri.
V. Misericórdia Signori.
R. Misericórdia Signori.
O quam tristis et afflicta ecc.
Statzioni III
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa tertza statzioni si rapresentat su logu aundi su bonu Gesús arruit po sa primu
borta asuta de sa pesanti gruxi.
Cunsidera ànima cristiana cumenti s’afligidíssimu Gesús ispintu de is bàrbarus ministrus
arruit po sa primu borta asuta de sa pesanti gruxi. Calis insultus arricit issu po si
ndi pesai, epuru totu sufrit patzientementi sentza de proferiri unu mancai mínimu
lamentu. Deh! O ànima cristiana prangi pentia a peis de Gesús e nara cun coru umiliau:
O Redentori amorosíssimu, a peis bostus prostrau custu miseràbbili pecadori
domandat piedadi, domandat perdonu. Oh! cantus bortas , o Gesús miu, seu arrutu in
pecau! Oh! cantu bortas mi seu pretzipitau in d-unu abbissu de inicuidadis! Deh! o
Gesús miu, donai sa manu bosta piedosa a custu pecadori po si ndi podi pesai, e
fortza po non arrui mai prus.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
? moerebat et dolebat ecc.
315