Is Pregadorias antigas: su signo de sa devozioni - Provincia del ...

Comune di Samassi
mannu fiat s’amori chi Gesugristu veru Fillu de Maria e a su própriu tempus veru
Deus, portàt a custa santa Mama Sua, e tropu forti sa rexoni ch’Issu in s’onori de sa
Mama a su própriu onori Suu providessit, po no dha distínguiri in custu puntu cun
calincunu singulari privilégiu e favori, comenti dh’iat bófia in tantus àterus puntus
privilegiada e favoréssia. E dh’at distinta efetivamenti, comenti dh’atestat sa pia traditzioni
antighíssima, consagrada de sa Crésia Católica. Mandat Issu duncas ispléndidu
esércitu de Àngiulus Santus, casi po guardai de àterus insultus de sa morti cussu
Corpus sagrau e po dh’onorai a su própriu tempus cun festivas celestialis armonias.
Ma in sa tertza dí, po riprodusi esatamenti in sa Mama su grandu Mistériu de sa
Resurretzioni Sua, disponit totu po dhu elevai a sa glória. Ecu po tantu chi s’Ànima
beata de Maria si movit de s’altu de is Celus, cortegiada de brillanti cumpangia de
Angélicus Ispíritus, e, torrendu a custa bassa terra, bandat a si pigai de nou s’immaculau
Corpus Suu. E su Corpus a sentirisí plèniri de nou de su Soberanu Ispíritu Suu,
totu si avivat e ànimat, ma in cussu própriu instanti a su si biri investiu de sa glória de
s’Ispíritu, totu maravigliosamenti si trasformat, e fatu immortali, luminosu, ispirituali,
e totu resplendenti de glória, si pesat de sa terra e súbbitu a su Celu cun su cortégiu
e intre is cantus de is Àngiulus s’incamminat. Ecu duncas sa grandu Fémina sollevaisí
maestosamenti in s’ària, ponirisí asuta de is peis sa luna e su soli, superai is prus
altas istellas. Ecu po Issa aberririsí de nou is Celus e bèniri a dh’incontrai cun nous
ossécujus àterus esércitus de Àngiulus beatus, e Issa intrai cun portamentu de Reina,
totu plena de delítzias, in sa Citadi de Deus. E innòi benedixiridha is Patriarcas chi de
atesu dh’iant ammirada, benedixiridha is Profetas chi in ispíritu dh’iant prenuntziada,
benedixiridha is Pontífitzis chi in is misteriosus ritus insoru dh’iant prefigurada,
benedixiridha is Reis chi de sa stirpe insoru coment’e flori eletu dh’iant generada; e
totus is Santus benedixiridha poita chi de Issa iant tentu su Salvadori, e totus is Corus
de is Àngiulus poita chi in Issa sa grandu Mama cuntemplant de su summu Rei insoru
Gesús. E dha benedixit su Babbu chi a tantu augusta grandesa dh’at elevada, su Fillu
chi a vera Mama Sua dh’at consagrada, s’Ispíridu Santu chi coment’e Isposa de unu
Fillu Divinu dh’at fecundada. Aici totu su Paradisu rembombat de is làudis de Maria,
e po Issa si cumentzat noa allegria e noa festa chi at a durai in eternu.
Unu Babbunostu, tres Ave Marias, unu Gloria Patri.
Oratzioni a Gesugristu
Gloriosíssimu Gesús Redentori nostu! Bosu seis veramenti su perfetíssimu Rennovadori
e Salvadori de totu s’ómini. Bosu comenti Verbu de su Babbu po mesu de su cali
est istada fata dógnia cosa, iais creau in su printzípiu de is tempus s’ómini santu e
immortali, e dh’iais destinau a èssiri una dí trasportau in su Celu po gosai eternamenti
cun Bosu in sa glória Bosta. Ma su pecau ispollendidhu de sa gràtzia Bosta dh’at
fatu merescidori de s’inferru, e sa morti chi s’est introdúsia cun su pecau, destruit
s’ammiràbbili cumpostu de sa materiali cun s’ispirituali sustàntzia chi format s’ómini,
fait s’ànima comenti fiuda desolada e redusit a vili pruini su corpus. Ma, ah chi
non podint is sapientíssimus consillus Bostus èssiri privaus de s’efetu insoru! Bosu
etotu Bosi feis su Salvadori de s’ómini, e non solamenti dhi salvais s’ànima, ma
strapais ancora su corpus de is manus de sa morti resuscitendidhu a vida noa e cun
309