Is Pregadorias antigas: su signo de sa devozioni - Provincia del ...

Comune di Samassi
Ti adoru, Deus miu (po su noti) 379
Ti adoru, Deus miu, Bosi amu cun totu su coru, Bosi dòngiu gràtzia de mi ai creau e
fatu cristianu e cunservau in custa noti, Bosi ofèrgiu is atzionis mias e si pregu de mi
fai sa gràtzia de no si ofèndiri mai prus principalmenti in sa dí de oi.
Tríduu po sa festa de sa gloriosa assuntzioni de sa Biada Vírgini Maria 380
In is dis 15, 16 e 17 de Austu
+ In Nomine Patris et Filii et Spiritus Sancti.
R. Amen.
V. Veni, Sancte Spiritus;
R. Reple Tuorum corda Fidelium, et Tui amoris in eis ignem accende.
V. Emitte Spiritum Tuum, et creabuntur.
R. Et renovabis faciem terrae.
Oremus
Deus, qui corda Fidelium Sancti Spiritus illustratione docuisti; da nobis in eodem
Spiritu recta sapere, et de Ejus semper consolatione gaudere. Per Christum Dominum
nostrum.
R. Amen.
Aici si donat printzípiu dogna dí.
Prima dí - Trànsitu de Maria
Maria, ancoraschí non depessit èssiri sugeta a sa morti comenti a pena dépida a pecaus
próprius Suus, no endu Issa ne contraia mància de pecau originali, ne commítiu
mai algunu pecau atuali nemancu ligeríssimu; nientidemancu comenti depiat èssiri
sugeta a medas àterus malis e doloris chi in pena de su pecau afligint is óminis in
custa terra, depiat abbarrai sugeta ancoras a sa morti comenti a pena decretada generalmenti
contra de is óminis po su pecau de Adamu primu Babbu insoru. Benia duncas
s’ora signalada de Deus, ecu chi Maria si morit. Ma o cantu pretziosa e bella est
custa morti! Est sa vera Isposa de sa sagrada Càntica chi morit e passat. Su letu Suu
úmili e pòberu a is ogus de is óminis est già totu adornau de místicas gemmas pretziosíssimas,
e ispartu de bellus floris de Paradisu, e de suavíssimus celestialis aromatus
profumaus. Maria si nci ponit cun su virginali Corpus Suu abbàtiu non tantu de is
infirmidadis e de is annus, cantu de su beatu incéndiu de su Divinu Amori, chi dhu
consumit. Già is Apòstolus po Divina virtudi avisaus de is vàrias partis de su mundu,
si congregant a ingíriu de Issa po dhi prestai asuba de sa terra is últimus ossécujus.
Già is Àngiulus Santus abbàsciant a turmas de su Celu po fai a su trànsitu de sa
305