Is Pregadorias antigas: su signo de sa devozioni - Provincia del ...

Comune di Samassi
Issa, est beru, chi su mortu Gesús depit resuscitai in sa tertza dí, e firmamenti dhu
creit. Ma Issa est Mama chi portat totu bivas in su coru is gliagas e is angustias de su
addolorau Gesús, e depit fai unu lutu chi siat dignu de unu tantu Fillu: Issa est cumpàngia
de is Mistérius de is doloris de Gesús, e depit cumpliridhus in sèi in manera sa
prus vera e sa prus santa: Issa scit èssiri voluntadi de su Babbu Eternu, chi non si
depit antitzipai s’allegria candu est ancora su tempus de su dolori. E po cussu portendu
umilmenti totu su pesu de sa desolatzioni, bandat repitendu: No, non si depit
calmai sa intensa aflitzioni mia:
non quiescet dolor meus (Job. 16. 7.).
Unu Babbunostu, tres Ave Marias, unu Gloria Patri.
Oratzioni a s’Eternu Babbu
Santíssimu Eternu Babbu! Cantu ammiràbbilis sunt is dispositzionis de sa Providéntzia
Bosta! Bosu permiteis chi s’Unigénitu Fillu Bostu Incarnau acabbada sa mortali vida
Sua, abbarrit comenti disconnotu totalmenti e abbandonau de is óminis. Sa Sinagoga de
is Ebreus dhu refudat e dhu cundennat. Is Gentilis, reputendidhu unu malefatori, dhu
ponint in Gruxi, e nci dhu fàinti mòrriri. Un’Apóstolu dhu traixit. Is àterus discípulus
dh’abbandonant; e is chi dhu sighint a su Calvàriu non pensant prus ch’Issu siat su Fillu
de su Deus biventi, ma dhu plangit a s’umana comenti unu giustu donau inicuamenti a
sa morti. Ah! e aundi est, o Babbu Eternu, aundi est sa Luxi chi Bosu iais apariciau po
illuminai is Pópulus Gentilis? Aundi est sa Glória de su Pópulu Bostu de Israeli? Ah!
Istudada parit de su totu cussa luxi, pérdia interamenti parit cussa glória. Ma o cantu
sunt istupendas is vias Bostas! Totu custu bivit in Maria, bivit in Issa in sa manera sa
prus santa e ammiràbbili. In Maria desolada Bosu teneis alluta sa vivíssima Luxi de sa
Fidi chi depit illuminai sa Crésia noa. In Maria s’afligia Bosu conservais totu ardenti su
fogu de sa caridadi celestiali, e totu intera e bella sa vera glória de Israeli, chi in sa
Crésia noa depit manifestaisí e resplèndiri. E custa Crésia chi depit largamenti distendirisí
de s’Orienti a s’Ocidenti, e chi formendu de duus Pópulus unu Pópulu solu, at a
cuntènniri in su sinu suu sentza distintzioni alguna Ebreus e Gentilis, tenit imoi inserrada
sa perfetzioni sua in Maria, in Issa pigat ammiràbbili printzípiu, in is tres diis de sa
morti de su Redentori est de Issa santissimamenti rapresentada e susténnia. Aici Bosu,
o Eternu Babbu, feis Maria cun bellu títulu nou Mama de sa Crésia de Gesugristu, e
Conservadora, e Guardiana e Maista. Bosi torru gràtzias, o Babbu celestiali, chi candu
renovais cun sa morti de s’Unigénitu Fillu Bostu s’arruta naturalesa umana, dha onorais
in manera tantu ecellenti in sa persona de Maria; e umilmenti Bos pregu chi fendumí
èssiri fillu no indignu de custa Mama, mi fatzais èssiri ancora bivu membru de sa
Crésia isposa istimada e corpus místicu de Gesugristu.
Unu Babbunostu, tres Ave Gloria, unu Gloria Patri.
Oratzioni a Maria Addolorada
Afligidíssima Vírgini Maria! Arribbau cun s’agiudu Bostu a custu puntu de is dolorosas
consideratzionis de is penas Bostas, dèu Bos reconnòsciu po vera Reina de is
Màrtiris, poita chi ancoraschí non bia in Bosu ne sànguini ispartu, ne morti, ne flagel-
303