Is Pregadorias antigas: su signo de sa devozioni - Provincia del ...

302
IS PREGADORIAS ANTIGAS - SU SIGNU DE SA DEVOTZIONI
dolori, chi iat a èssiri capatzi a Bos isciòlliri totu in plantu e a Bos fai mòrriri, nientidemancu
ne cun iscumpostu lamentu plangeis, ne perdeis is sentidus po tantu dolori,
no essendu cumbenienti a Bosu circai allíviu in su plantu o abbandonai sa vida in
s’aflitzioni comenti sutzedit a is àteras débbilis creaturas. E po cussu totu trista Bos
biu e totu de sagrau orrori ocupada; ma a su própriu tempus veneranda in s’aspetu,
maestosa in su dolori, comenti unu Serafinu celestiali iat a cumpàrriri addolorau, si
su dolori potzessit tènniri logu in su Celu. Ma si a Bosu, o vera Fémina forti, no
cumbenit su plantu de is débbilis, lassai chi plàngia dèu; antzis agiudaimí Bosu etotu,
o Mama, a plàngiri meda po dolori e po amori asuba de Gesús, po chi dèu cumpla de
parti mia cudhas proféticas paràulas chi de sa morta buca Sua dèu m’intendu repítiri:
ant a ghetai, narat Issu, is ogus asuba de mei apustis de m’ai trapassau, e biendu is
Gliagas mias, ndi ant a tènniri dolori, e mi at a plàngiri cun grandu plantu e amaru,
comenti si solit plàngiri e tènniri dolori po sa morti de unu stimau Fillu primogénitu:
et aspicient ad me quem confixerunt, et plangent Eum planctu quasi super Unigenitum,
et dolebunt super Eum, ut doleri solet in morte primogeniti (zachar. 12 10.).
Unu Babbunostu, tres Ave Marias, unu Gloria Patri.
Última dí
Finalmenti is orríbbilis iscenas de su Calvàriu sunt acabbadas. Is furibbundus Giudeus,
po dispositzioni de Deus, si retirant già de su monti. Gesús mortu e totu gliagau
torrat in is manus de is Discípulus Suus, e depostu de sa Gruxi benit serrau in d-una
sepultura noa. Ma s’aflita Mama de Issu intrat imoi in su prus profundu de sa tristura
e de sa desolatzioni. Apustis de ai assístiu a sa deplorabbilíssima catàstrofe, Issa si
ndi torrat già a tardu a sa pòbera abbitatzioni Sua. Cun Issa camminat su dolori, e
ancoraschí ne tremat ne in grandus plantus s’isfoghit esternamenti, tremit e a plàngiri
est obbligau chini atentamenti dha mirat. Apartada in su retiru Suu, ahi! totus si renovant
in sa menti de Issa is iscenas orrendas de sa funesta dí. Issa tenit vivamenti
presentis is doloris de su crucificau Fillu Suu, e su ispasimai e su ispirai de cuss’Ànima
benedita, e dhi sonant ancoras in is origas is cumpassivus lamentus de su moribbundu
Gesús, e bit ancora cussu Sànguini e cussas feridas, e cussas gliagas. Regordat
s’estremu afannu, in su cali dh’iat incontrau in s’artziada a su Calvàriu, oprimiu de su
pesu de sa Gruxi. Ponit impari in s’aflitu pensamentu is patimentus de Betlèm, is
penas de s’Egitu, is trabballus de sa vida púbblica de s’istimau Fillu, e is ódius crudelis
de sa genti Sua, e sa traitzioni de Giudas, e s’abbandonu de is àterus discípulus.
Insumma totus is amarguras de totu sa vida de Gesús arruint imoi totu a una colpu
asuba de s’Ànima de Maria, e totus is ispadas de is vàrius doloris patius fintzas a imoi
a parti a parti, benint a trapassai totus impari su maternu coru de Issa. O desolatzioni!
O amargura! passat aici sa dí e sa noti, oprimia e coment’e sepultada in d-unu intensu
dolori, su cuali bèni allargu de si calmai, crescit e si fait prus bivu. Aumentant sa
desolatzioni de custa Mama is àteras pias féminas e su Discípulu Giuanni, chi bintus
de su dolori plangint inconsolàbbilis acanta de Issa; e candu ancoras non plangessint
e bollessint consolaidha, cali consolatzioni iat a pòdiri arreciri de issus Maria apustis
de ai pérdiu a Gesús? No non c’est prus in su mundu chini dha potzat cumpensai da
unu tali tesoru: non est qui consoletur Eam ex omnibus charis Eius (Thren. 1. 2.). Scit