Is Pregadorias antigas: su signo de sa devozioni - Provincia del ...

Comune di Samassi
Oremus
Deus, in cuius Passione secundum Simeonis Prophetiam dulcissimam Animam gloriosae
Virginis et Matris Mariae doloris gladius pertransivit; concede propitius; ut
qui transfixionem Eius et Passionem venerando recolimus, gloriosis meritis et precibus
omnium Sanctorum Cruci fideliter adstantium intercedentibus, Passionis Tuae
effectum felicem consequamur. Qui vivis et regnas in saecula saeculorum. Amen.
Segunda dí
Maria ferta già de s’ispada de su dolori in su Templu de Gerusalemmi, non tardat a
biri su cumplimentu de sa Profetzia de Simeoni, chi annuntziàt ódius e persecutzionis
contra a Gesús. Su crudeli Rei Erodes timendu chi su celestiali Pipiu siat po ndi dhi
pigai su Regnu, ispintu de infernali política decretat sa morti de Issu; e po non dhi
bènniri mancu su colpu, bollit chi si bòcianta totus a unu tempus is pipius de Betlèm
e de totus is logus de acanta. Nienti isciendu de tali ferotzi decretu Maria, ecu chi
un’Àngelu mandau de su Celu ndi donat in sonnu s’avisu a Giusepi, e cun premura
dhi cumandat chi procurit salvai su Pipiu e sa Mama fuendu súbbitu in s’Egitu: surge
et accipe Puerum et Matrem Ejus, et fuge in Aegyptum: futurum est enim ut Herodes
quaerat Puerum ad perdendum Eum (Matt. 2.13). Oh Deus! Cali dolorosa sorpresa
no est custa po Giusepi e po Maria! Biri circau a morti unu Pipiu innotzenti, Fillu de
s’Altíssimu, adorau de is Óminis e de is Àngiulus, chi nessunu mali at pótziu fai a
persona, antzis dógnia bèni promitit a totus cun s’amabbilidadi Sua de Paradisu! Oh
dolori! Maria e Giusepi sentint vivamenti totu su pesu de cust’aflitzioni; ma ubbidientis
a is órdinis de su Celu, sentza réplica ne lamentu, fuint de noti cun su Pipiu
fàcia a s’Egitu. In mesu de vàrius perígulus e timoris, afligius po medas privatzionis,
espostus a totus is incleméntzias, faint su penosu viàgiu de medas dis, e intrant finalmenti
in s’Egitu cansaus, pòberus, desolaus. Esiliaus de sa terra nativa in terra allena
e inimiga de su Deus de Israeli, privaus de su cunfortu de su púbblicu cultu de sa vera
religioni, obbligaus a si procurai cun su trabballu de is manus unu scarsu sustentu,
abbarrant po meda tempus in umiliatzioni e in dolori, aspetendu inní cun perfeta
summissioni is nous órdinis de su Celu, e is noas tribbulatzionis. Aici Maria si fait
sèmpiri prus Mama addolorada.
Unu Babbunostu, tres Ave Marias, unu Gloria Patri.
Oratzioni a su Eternu Babbu
Santíssimu Eternu Babbu! Bosu teniais in manu Bosta milli médius po libberai de sa
cruelidadi de Erodes su divinu Fillu Bostu Incarnau, e po dhu fai triunfai de Issu cun
istrepitosa vitória. E poita duncas dh’obbligais a si salvai cun su penosu e umilianti
médiu de una fuida pretzipitosa? Ah! Bos intendu, Eternu Babbu Sapientíssimu! Est
custu unu grandu mistériu de misericórdia e de saludi, e po cussu bolleis chi costit
umiliatzioni e dolori. Fuit su Salvadori Pipiu po confortai sa debbilesa de is Fidelis
Suus, candu persighius de sa ingiustítzia de is óminis ant a dèpiri fuiri de unu logu a
s’àteru po iscampai de is manus insoru. Fuit, e bandat a portai sa santificatzioni in su
291