Is Pregadorias antigas: su signo de sa devozioni - Provincia del ...

Comune di Samassi
ispasimendu segretamenti, e casi benendu mancu de dolori, segundu sa paràula de
Dàvidde: defecit in dolore vita mea, et anni mei in gemitibus (psalm. 13. 12).
Unu Babbunostu, tres Ave Marias, unu Gloria Patri.
Oratzioni a su Babbu Eternu
Santíssimu Eternu Babbu! Dèu adoru umilissimamenti sa sapientíssima dispositzioni
de giustítzia e de piedadi, cun sa cali Bosu associais Maria a is Passionis de Gesús, po
chi cun is doloris de tot’e is duus siant iscontaus is reus plaxeris de su pecau. Poita chi
comenti is primus pecadoris chi iant introdúsiu sa ruina de sa morti in su mundu pighendusí
talis funestus plaxeris in su Paradisu terrestri, fiant istétius un’ómini e una
fémina, aici Bosu bolleis chi un’àteru ómini e un’àtera fémina totalmenti innotzentis e
santus, patendu doloris sentza misura, restituant a su mundu sa vida e sa saludi. Infati
Gesús, su santu de is santus po natura, cumentzat a penai fintzas de candu est istau
concebiu in su sinu de Maria, poita chi de insaras cun sa Divina presciéntzia Sua bit is
orríbbilis tormentus chi dhi sunti preparaus po is pecaus de is óminis. E Bosu feis
profetizai ancoras a Maria is tormentus e is penas de Gesús po chi cumentzit a penai
ancoras Issa de candu cumentzat a cumpàrriri Mama de Gesús. Aici bollendu castigau
su pecau po satisfai a sa Giustítzia Bosta, e salvaus is pecadoris po satisfai a sa Piedadi
Bosta, cundennais a is penas e a is doloris is innotzentíssimus Gesús e Maria, e perdonais
a is miseràbbilis reus Adamu e Eva cun is discendentis insoru. O santa tremenda
Giustítzia! o inesplicàbbili Piedadi! Atzetai ancora po mei miseràbbili fillu de Adamu e
pecadori, atzetai, Bosi pregu, o Santíssimu Babbu celestiali, is doloris de Gesús e de
Maria, e po resguardu de issus libberaimí de is eternus doloris de s’inferru.
Unu Babbunostu, tres Ave Marias, unu Gloria Patri.
Oratzioni a Maria Addolorada
Afligidíssima Vírgini Maria! Cun cali coru pigais Bosu de is bratzus de Simeoni e Bos
istringeis de nou a su sinu s’istimau Fillu Gesús apustis de sa tantu amara Profetzia de
is penas de Issu e Bostas? Certamenti Bosu dhu reconnosceis insaras in cudhu fascículu
de mirra predíxiu po Bosu in sa càntica misteriosa, e cun su coru trapassau già antitzipadamenti
de sa crueli ispada eis dépiu nai: De imoi a innantis Tui, caru Fillu miu, T’as
a istai in su sinu miu coment’e unu fasci de mirra amarga, ogetu po mei de summu
amori e de summu dolori: fasciculus myrrae dilectus meus mihi inter uberam ea commorabitur
(Cantic. 1.12). E Bosi addolorais de continuu mirendu custu fillu Bostu
comenti espostu a is cruelis frécias de is inimigus Suus, fintzas a chi, lómpiu a s’últimu
etzessu s’ódiu de issus, dh’eis a biri ispirai asuta de is colpus insoru in su Calvàriu. Bosi
addolorais biendu congiuraus ferotzementi contra a Gesús totus is pecadoris de is séculus
posterioris, e mei ancora pecadori miseràbbili impegnau a tirai colpus cruelis
contra de Issu cun is pecaus mius, e cuncúrriri a dhu cravai in sa Gruxi e a nci dhu fai
mòrriri. Bosi addolorais ancora de prus considerendu chi de tantus pecadoris, ancoraschí
totus rescataus cun su sanguinosu sacrifítziu de su Divinu Fillu Bostu, solamenti
una portzioni, e custa ancora sa prus pitica, iat a èssiri salvada, e sa portzioni prus
manna iat a pretzipitai in eterna ruina. Ma innòi naimí, o cara Mama afligidíssima, apu
289