Is Pregadorias antigas: su signo de sa devozioni - Provincia del ...

Comune di Samassi
iscipiais, custu proponimentu de Virginali puresa e de vida oculta bosi depit portai
a is prus sublimis grandesas, a sa prus luminosa glória. O benedita Maria! feinosí
apretziai grandementi sa Virginidadi, de sa cali Bosu seis Maista fintzas de Pipiedha;
po chi dha onoreus in is chi nd’arricint de Deus su pretziosu donu, e is àterus
dha imiteus cun sa castidadi cumbenienti a su stadu nostu.
Unu Babbunostu, tres Ave Marias, unu Gloria Patri.
Sesta dí
Cun su votu singulari chi Maria presentendusí a su Templu fait a Deus de abbarrai
sèmpiri Vírgini, sa Santidadi de su Templu si collegat cun sa Virginidadi, su templu
si ponit in armonia cun sa dignidadi sua, e pigat sa luxi e su resplendori chi dhi
cumbenit, poita chi sa luxi de sa Virginadi illustrat e onorat su Santuàriu, e su
Santuàriu est logu totu própriu de sa Virginidadi. Innantis de Maria custa luxi fiat
ocultada coment’e soli asuta de is nuis, e ignorada non solamenti de su Pópulu in
generali, ma ancora de is Levitas e de is Sacerdotus chi operànt in su Templu e in
s’Altari. Su Templu e su Santuàriu fiant po cussu in oscuridadi e in umiliatzioni.
Ma candu s’est bistu su luminosu esemplu de Maria, chi cun votu perpétuu consagrat
a Deus sa Virginidadi Sua, innumeràbbilis personas de dógnia sessu e conditzioni
ant reconnotu sa dignidadi Angélica de sa Virginidadi, e cun amori e cun
allegria dh’ant abbratzada, e sunt bennias de dógnia parti a fai onorada corona a su
logu santu; ma in manera particulari is sagraus Ministrus de su Santuàriu, is Sacerdotus
de sa Crésia de Deus, ant tentu sa Virginidadi coment’e pretziosa eredadi totu
própria insoru, po sa santitadi de is sagraus Altaris e de is Divinus mistérius. O cali
glória est custa po Maria chi de pipiedha si fait Maista de su virginali proponimentu,
e aberit, po nai aici, sa porta a unu géneru de vida celestiali chi fait resaltai sa
dignidadi e sa glória de su Santuàriu in sa Crésia de Deus.
Unu Babbunostu, tres Ave Marias, unu Gloria Patri.
Oratzioni a Babbu Eternu
Santíssimu Eternu Babbu! Passadas is imperfetzionis e is umbras, chi Bosu eis
bófiu tollerai in sa Crésia Bosta in is tempus de sa lei naturali e de sa lei iscrita,
Bosu boleis donai manu a dha perfetzionai po dha tènniri sentza mància ne frúngia,
totu santa, totu bella, totu gloriosa. E intre is àteras ispléndidas prerogativas dha
decorais de sa professioni de sa Virginali puresa, chi dha fait prus símili a s’infinita
puresa e santidadi Bosta. Poita chi Babbu Vírgini seis Bosu, chi abbitendi in d-una
luxi inacessíbbili, generais unu Fillu uguali a Bosu cun atu puríssimu de s’intendimentu
Bostu; e Vírgini est s’Unigénitu Fillu Bostu, tantu in sa glória de sa Divinidadi,
cantu in sa umiliatzioni de sa umanidadi Sua; e Vírgini est s’Ispíridu Santu,
chi po via de amori puríssimu procedit de Bosu e de Fillu Bostu; e vírginis bolleis
is chi depint sighiri prus de acanta s’Angioni Immaculau, chi est su própriu Fillu
Bostu Gesugristu, o in is Divinus mistérius de is sagraus Altaris, o in sa luminosa
corona chi depit adornai sa Crésia Bosta. E prus de totu Vírgini bolleis sa Mamma
de custu Fillu Bostu Incarnau, poita chi Issa intrat in certu modu in sa Virginali
279