Is Pregadorias antigas: su signo de sa devozioni - Provincia del ...

Comune di Samassi
Oremus
Deus, qui, Beatam Mariam semper Virginem Spiritus Sancti habitaculum hodierna
die in Templo praesentari voluisti; praesta, quaesumus, ut Ejus intercessione in Templo
gloriae Tuae praesentari mereamur. Per Christum Dominum nostrum. Amen
Segunda dí
Maria non teniat bisóngiu de si retirai de sa domu paterna e de s’inserrai in su Templu
po si santificai. Issa fiat santa e plena de gràtzias fintzas de su primu instanti de sa
Concetzioni Sua, e bèni allargu de arreciri santificatzioni e gràtzia de is logus santus,
Issa santíficat is logus in is calis si agatàt, cun sa gràtzia abbundanti ch’ispandiat de sa
bell’ànima Sua. Ma po custu apuntu chi fiat aici santa, dhi cumbeniat su logu prus santu
chi fussit in sa Terra, e custu logu fiat insaras in Gerusalemmi in su Templu de su
Segnori. A inní duncas dha bolit Deus, a inní Issa suspirat. Mira, o Cristianu, cun sa luxi
de s’esemplu de Maria, cali afetu depis tènniri tui a su Templu sagrau chi est sa Crésia,
de su cali s’antigu Templu de Gerusalemmi non fiat che una figura. In custu Templu tui
ses istétiu santificau cun su Batísimu, e ses continuamenti purificau cun is àterus Sacramentus.
In custu Templu ses alimentau cun sa Divina Paràula e cun is Mistérius sacrosantus
de sa saludi. In custu Templu tui adoras non già is símbolus materialis, ma su
Segnori tuu Gesús chi fiat prefigurau in cussus símbulus, presenti cun su Corpus Suu,
cun su Sànguini, cun s’Ànima e cun sa Divinidadi Sua, cortegiau de is Àngiulus Suus in
su sagrau Altari. In custu Templu duncas est su tesoru tuu e sa domu tua, e tui dhu tenis
preparau po tei in calisiollat parti de su mundu Católicu chi ti agatis. O cantu custu logu
santu ti cumbenit e ti depit èssiri caru! O cantu depis amai de dhu frecuentai, e de nci
abbitai devotamenti su prus chi podis!
Unu Babbunostu, tres Ave Maria, unu Gloria Patri.
Oratzioni a su Babbu Eternu
Santíssimu Eternu Babbu! Bosu cun su dultzíssimu Ispíritu Bostu provideis non solamenti
a su chi est necessàriu, ma ancoras a su chi est bellu e decorosu po is creaturas
Bostas; e cun delicadíssima perfetzioni feis custu cun sa prus digna de is creaturas sa
Primogénita Bosta Maria: sa cuali bolleis chi non solamenti siat santíssima po Sèi
etotu, ma cumpàrgiat ancoras edificantíssima e digníssima a is ogus de su Celu e de
sa Terra. E dh’eis a donai a tempus suu un’Isposu po chi cumpàrgiat legitimamenti
collocada, e legítimu cumpàrgiat su Fillu ch’Issa at a contzebiri de s’Ispíridu Santu; e
po non pàrriri violai sa Lei, dh’eis a fai presentai e rescatai in su Templu custu Fillu
chi depit èssiri superiori infinitamenti a su Templu e Redentori de totus; e candu
dh’at a mancai s’Isposu dh’eis a fai acumpangiai de onestas e santas personas po
sighiri su Divinu Fillu Suu in is trabballus de sa Predicatzioni e in sa dolorosa Passioni
e Morti de Issu; e debustis at a èssiri recumandada a su cuidau e a s’amori de su
stimau Discípulu a su Vírgini Giuanni; e imoi Pipiedha dha conduseis a su sagrau
Templu Bostu, poita chi est bella e decorosa perfetzioni chi sa santidadi chi est sa
prus manna apustis de sa infinida santidadi Bosta, reposit in su logu prus santu chi est
in sa Terra. O cun cali bell’armonia Bosu conduseis is òperas Bostas! Fei, o Segnori,
273