Is Pregadorias antigas: su signo de sa devozioni - Provincia del ...

270
IS PREGADORIAS ANTIGAS - SU SIGNU DE SA DEVOTZIONI
cun nou dolori is gliagas giai arricias. Bos ofèrgiu, Gesús miu, custu passu tanti
dolorosu de sa Passioni bosta in sufràgiu de is Ànimas Santas de su Purgatóriu e bosi
súplicu chi ostendais asuba insoru su bratzu onnipotenti de sa misericórdia bosta, e
chi de is cuàturu funtanas, chi s’amori bostu iat obertu in is manus e peis bostus, una
sola guta assumancu de cuss’àcua prodigiosa arruat in su Purgatóriu, e cussa sola at a
bastai po debbilitai is ardoris suus, e curai de is ànimas is gliagas, e rendiridhas
eternamenti diciosas. Arriceidhas Segnori in sa santa Glória bosta, particularmenti
cussas chi patint po mei, e cudhas po chini seu prus obbligau a pregai po chi bos
alabint po totu un’eternidadi. Aici siat.
Otava dí
O amantíssimu Gesús e Redentori miu, chi in is tres oras chi festis istau pendenti biu
in sa Gruxi coment’elevau in tronu de misericórdia po distribbuiri gràtzias, obbligau
estis a s’Eternu Babbu bostu a perdonai is enemigus bostus, chi bosi ofressiant sa
mistura de su feli po refrigériu de su sidi ardenti chi tenestis de sa salvatzioni insoru;
promítiu estis a su bonu ladroni su Paradisu; e pustis de ai ispirau vítima de caridadi
in cumplimentu de cantu sa divina giustítzia podiat po s’umana redentzioni; permítiu
estis chi una lantza bosi traspassessit, oberendu prus cruelmenti su Coru de s’amorosíssima
Mamma bosta Maria. Bos ofèrgiu su valori infinitu de sa Morti bosta e su
dolori incomparàbbili de sa dultzíssima Mamma bosta in satisfatzioni de is dépidus,
chi ancora tenint is ànimas santas de su Purgatóriu a sa divina Giustítzia: renovai oi a
favori insoru comenti in cussa dí po is enemigus bostus, sa própria pregadoria a
s’Eternu Babbu poita dhas perdonit: portaidhas oi a su Celu comenti estis fatu cun su
bonu ladroni, particularmenti cudhas chi m’apant oféndiu in custa vida e cudhas po
chini seu prus obbligau a pregai po chi bos alabint po totu un’eternidadi. Aici siat.
Última dí
O amantíssimu Segnori miu Gesugristu, chi po tzelebrai sa vitória chi cun sa passioni
bosta estis riportau de su Dimóniu, bófiu estis chi sa Santíssima Ànima bosta fessit
abasciada de su Limbu e Purgatóriu, aundi cun summa ignomínia e confusioni de is
enemigus bostus, segadas is portas, cali divinu Sansoni, cun sa fortza de sa onnipoténtzia,
e perdonendu a is reus sa pena comenti cumbeniat a s’amori bostu triunfanti,
averada diciosamenti si fiat sa profetzia de Isaias: chi penetrendu Bosu is partis
inferioris de sa terra, estis a pònniri in libbertadi is chi estis a agatai impresonadas
bàsciu sa potestadi de su Dimóniu, illuminendu cun sa soberana luxi bosta totus is chi
iant èssiri aspetendu in is tènebras. Bos ofèrgiu, Gesús miu, sa memória de custu
gloriosu triunfu in sufràgiu de is Santas Ànimas de su Purgatóriu, e bosi súplicu dhis
fatzais provai is afetus de sa triunfanti Misericórdia bosta, aberendu cun custa crai sa
terríbbili presoni aundi ispàsimant po estrema agonia, e gosint sa libbertadi tanti
suspirada: abereidhis oi is portas de su Celu po regnai eternamenti cun bosu, particularmenti
cudhas chi ant a èssiri prus de s’aggradu bostu, e de sa Santíssima Mamma
bosta Maria, e cudhas po chini seus prus obbligaus a pregai, po chi bos alabint po
totus is séculus. Aici siat.