Is Pregadorias antigas: su signo de sa devozioni - Provincia del ...

Comune di Samassi
mius, e cudhas po chini tengu prus obbligatzioni de pregai, poita chi inní bos alabint
po totu un’eternidadi. Aici siat.
Si arresint tres Babbunostus e tres Ave Marias e Requiem eternam, e apustis s’últimu
requiescant in pace. Amen.
Oratzioni a Maria Santíssima - Po dogna dí
O Vírgini dolorosíssima, consolu de is afligius, Mamma e rifúgiu de is disamparaus,
a Bosu dirigint is lastimosus clamoris insoru is afligias Ànimas de su Purgatóriu chi
non tenint de sèi fortzas po procuraisí sa libbertadi ne merescint in is gravíssimas
penas chi patint cumpassioni de sa Divina giustítzia chi dhas puríficat cun ispíritu de
fogu. A bosu, bandant is ardentis suspirus de cussu abbissu de gliamas: a Bosu clamant
po interpònniri coment’e Reina s’impegnu bostu: a Bosu acudint cun amaras
làgrimas poita chi Bosu bèni isciais cantu estrema siat sa netzessidadi insoru, sucurreidhas,
Reina Soberana, satisfeis is dépidus de issas de su tesoru richíssimu de is
méritus bostus pretziosíssimus. E poita chi isciu chi totus is súplicas mias po tantu
indignas, merescint de Deus repulsas, dhas consignu in is puríssimas manus bostas
po allíviu de issas, po chi in brevi arribbint a èssiri eternamenti diciosas po intercessioni
bosta, de sa cali aspetu alcantzai sa gràtzia chi dimandu in custa novena a magiori
glória de Deus e bèni de s’ànima mia. Amen
Si domandit sa gràtzia
Antiphona:
Ego sum resurrectio et vita, qui credit me, etiamsi mortuus fuerit, vivet, et omnis qui
vivit et credit in me non morietur in aeternum.
V. Audivi vocem de coelo dicentem mihi.
R. Beati mortui qui in Domino moriuntur.
Oremus
Deus qui pro redemptione mundi nos involuisti? circum…? a Iudaeis reprobari, a
Iuda traditore osculo? tradi, vinculis alligari, sicut agens? innocens ad victimam
duci, atque conspectibus Annae, Caiphae, Pilati et Herodis indecenter offerri a
falsis testibus accusari, flagellis et approbicis vexari, sputis conspeci, spinis coronari
colophis coedi, arundine percuti, facie velari, vestibus exuri? crucei clavis
affigi et in Cruce.
Segunda dí
O amantíssimu Segnori miu Gesugristu chi prostrau po is mortalis agonias chi bos iat
causau s’orrori de is enormidadis e pecaus de is óminis fintzas a sudai sànguni cumentzau
estis sa dolorosíssima passioni bosta cun inefàbbili mistériu in s’ortu de is
olias po símbulu de paxi chi assigurastis intre Deus e s’ómini, e de sa infinita misericórdia
sua, bos ofèrgiu su prétziu infinitu de su sànguni chi estis derramau in s’ortu
267