Is Pregadorias antigas: su signo de sa devozioni - Provincia del ...

266
Novenas po is Ànimas (1868) 364
IS PREGADORIAS ANTIGAS - SU SIGNU DE SA DEVOTZIONI
Prima dí - Atu de Contritzioni
Signori miu Gesugristu, Deus e ómini verdaderu Creadori e Redentori miu, po èssiri
bosu chini seis, e poita chi bos amu prus de totus is cosas, mi pentu summamenti de
bos ai oféndiu e de no bos ai amau, e propongu firmissimamenti de amendaimí e
apartaimí de totus is ocasionis de pecai, e cunfiu in sa piedadi bosta e misericórdia
infinita chi m’eis a perdonai po is méritus de su pretziosíssimu sànguni, passioni e
morti bosta; e chi m’eis a donai sa gràtzia po amendaimí e perseverai in su santu
servígiu bostu fintzas a s’últimu istanti de sa vida mia. Aici siat.
Oratzioni po dogna dí
Onnipotenti e misericordiosíssimu Signori miu Gesugristu isposu dulcíssimu de is
afligias ànimas de su Purgatóriu, iscurtai cumpassivu is úmilis súplicas mias in custa
Novena chi fatzu po alcantzai de s’immensa piedadi bosta s’allíviu de is terríbbilis
penas cun is calis sunt turmentadas cussas ànimas chi cun tanti ternura amais: tenei
cumpassioni de is aflitzionis insoru, e particularmenti de sa prus manna de totus chi
consistit in sa privatzioni de biri a Bosu, chi seis s’ogetu su prus amorosu de is ardentis
disígius insoru. Movei Deus miu Soberanu totus is corus de is óminis a verdadera
cumpassioni de issas, iscidai totus cudhus chi tenendu obbligatzioni de giustítzia e
caridadi in sufràgiu insoru dormint discidaus sentza cumpliri, serrendi cun bàrbara
crudelidadi is origas a is clamoris insoru, bos ofèrgiu in allíviu de issas totus is Missas
chi s’ant a nai in sa dí de oi in totu su mundu, e profundamenti umiliau a sa
preséntzia bosta solennementi rinúntziu in favori insoru sa satisfatzioni de totus is
òperas meritórias chi apu a fai non solamenti in custa Novena ma ancoras in totu sa
vida mia, cunfiu chi m’eis a recumpensai cust’atu tanti de aggradu bostu, donendumí
poderosus ausílius po bíviri e mòrriri in sa gràtzia bosta, cuntzedendumí po intercessioni
de is Santas Ànimas su chi bosi domandu in custa Novena a magiori glória
bosta e bèni de s’ànima mia. Aici siat.
Prima dí - Oratzioni
O amantíssimu Signori miu Gesugristu, chi cunsagrada sa voluntadi bosta a cudha de
s’Eternu Babbu cun profundíssima rassignatzioni, atzetau estis cun caridadi prodigiosa
su càlixi amaru de sa dolorosíssima passioni bosta, po dhi donai sa satisfatzioni
dépida de is gravíssimas culpas mias. Bos ofèrgiu cust’abbundantíssimu sacrifítziu
de sa divina rassignatzioni bosta in sufràgiu de is Santas Ànimas de su Purgatóriu, chi
imitendu perfetamenti a Bosu sunfrint sa violéntzia de tantis terríbbilis penas, adorendu
su rigori de cudhu Deus chi amenduridhas cun tanti ternura dhas castigat sentza
cumpassioni: suspirant e prangint poita non possidint su summu Bèni chi amant,
però sentza chesciaisí de sa giustítzia sua, rassignadas in totu e po totu a sa divina
voluntadi, implorendu cun custa conformidadi sa misericórdia bosta in allíviu insoru,
arriceidhas Gesús miu in sa santa glória bosta, particularmenti cudhas de is parentis