Is Pregadorias antigas: su signo de sa devozioni - Provincia del ...

264
IS PREGADORIAS ANTIGAS - SU SIGNU DE SA DEVOTZIONI
nis, bosi pregu mi alcantzeis sa gràtzia de suportai cun cristiana firmesa e rassignatzioni
calisiollat aversidadi chi mi bollat imbiai su celu, nienti curendu is patimentus
de custa vida temporali, bastat chi in cumpangia bosta dhu gosi eternamenti in
s’àtera. Aici siat.
Si domandit sa gràtzia.
Antiphona
Cuarta dí - Oratzioni
Gloriosíssima Abbogada mia Sant’Anna chi apustis de ai suportau meda tempus sa
dolorosa aflitzioni de s’isterilidadi bosta cun grandu passiéntzia, eis merésciu isciri
de su felitzíssimu frutu, chi de bosu depiat nàsciri e de is sublimíssimas calidadis chi
depiat tenni po cudhu gosu ispirituali, e po cudhus afetuosus atus de ringratziamentu,
chi insaras dimostrastis in su coru bostu ananti de su sóliu divinu, alcantzaimí
gràtzia, chi dèu in is aversidadis mias, tenga una vera e costanti sperantza in su Segnori
e Deus miu, po sa cali potza conosci e dignamenti benedixi cudhus favoris e
gràtzias, chi po sa misericórdia sua e bosta intercessioni s’at a dignai de mi cumpartiri
po bèni de s’ànima mia. Aici siat.
Si domandit sa gràtzia.
Antiphona
Cuinta dí - Oratzioni
Amabbilíssima Protetora mia Sant’Anna sa cali a su biri cumparri a sa luxi su frutu
santíssimu de su sinu bostu Maria, estis provau in su coru bostu unu summu cuntentu
considerendu chi de sa discendéntzia bosta nàsciri depiat una dí su suspirau Messias
e Redentori de su mundu; po cudhu giúbbilu immensu chi provau iat insaras su coru
bostu, impetraimí cun Filla bosta santíssima chi dèu innantis de morri produsa frutus
dignus de peniténtzia, poita chi essendu immoi a parti de is allirghias bostas in su
mundu, nci sia ancora de is gosus bostus a su tempus suu in su celu. Aici siat.
Si domandit sa gràtzia.
Antiphona
Sesta dí - Oratzioni
Amabbilíssima Sant’Anna chi, apustis de ai islatau sa tzelesti pipia bosta, nienti curendi
is impulsus naturalis, po ubbidiri a is impulsus de sa gràtzia generosamenti bosi
privastis de tanti tzelestiali tesoru po ndi fai un’oferta a su summu Deus in su templu,
po custu generosu distacu de s’ogetu prus amàbbili de is amoris bostus bosi pregu mi
alcantzeis sa gràtzia de sacrificai a glória de Deus totus is afetus mius, poita chi a
imitatzioni de sa Santíssima Filla bosta chi si fiat preparada in cussu sacru ritiru a
dh’arriciri una dí in su puríssimu sinu suu, mi disponga ancora dèu a arriciridhu
sèmpiri dignamenti bàsciu is ispétzias sacramentalis. Aici siat
Si domandit sa gràtzia.
Antiphona