Is Pregadorias antigas: su signo de sa devozioni - Provincia del ...

Comune di Samassi
Cuinta dí - Oratzioni
O gloriosa Santa Filomena chi a prus de is prodigiosus avenimentus cun is calis est
istétia acumpangiada sa traslatzioni de su corpus bostu pretziosu, seis istétia fata de
sa Divina Providéntzia dispensadora de innumeràbbilis favoris, po risvegliai in custu
modu sa cristiana sperantza in is gentis e pònniri in su coru insoru sa bella cunfiantza
in sa potenti protetzioni bosta; otenei a totus nosu sa gràtzia de libberai su coru nostu
de dogna afetu a is cosas mortalis e de infúndiri in s’ànima nosta sa santa cunfiantza
in is promissas de cudhu Deus, chi non cuntentu de nos ai creau a immàgini sua, e de
nos ai redímiu cun su sànguni de s’incarnau Fillu, nos assegurat gràtzias in custa
vida, e sa glória in s’àtera.
Babbunostu, Ave Maria, Gloria Patri.
Sesta dí - Oratzioni.
O gloriosa Santa Filomena chi tanti seis istétia e seis ancora onorada da is bonus
pópulus de Magnanu is calis cun vivus trasportus de religiosu afetu ant arriciu e
cunservant is sacras relícujas bostas cali pretziosu tesoru, e chi a ricumpensa de sa
divotzioni insoru, dhus eis arrichius de milli benefítzius; otenei a nosu totus sa
gràtzia de cunservai cun dogna cura su pretziosu tesoru de s’amicítzia cun Deus, si po
bona sorti nosta dha possideus, e de dha ricuperai solletzitamenti si dh’eus pérdia, po
chi, libberaus una borta de su pecau, non torreus mai prus a pecai, antzis dh’odieus
comenti si ódiat unu nemigu capitali, e aici potzaus èssiri dignus de is tzelestis favoris.
Babbunostu, Ave Maria, Gloria Patri.
Sétima dí - Oratzioni
O gloriosa Santa Filomena, chi po ai cun invincíbbili costàntzia espostu a cruelíssimus
tormentus su corpus bostu puríssimu po amori de su divinu isposu bostu Gesús,
eis meritau chi benghessit de Issu esaltau a onoris solennis, e chi fessint signaladas
cun is prus istupendus prodígius is relícujas de su própriu corpus e sànguni bostu, a
modu chi si narat fortunau chini arribbat a ndi possidiri una pitica portzioni; otenei a
totus nosu sa gràtzia de non nosi donai mai in bratzus a is plaxeris de su mundu, e sa
fortza de odiai santamenti custa carri mortali chi nosi trascinat a dogna disórdini, a
modu chi is premuras nostas siant de nosi salvai s’ànima, chi est sa mellus parti, e chi
depit èssiri immortali.
Babbunostu, Ave Maria, Gloria Patri.
Otava dí - Oratzioni
O gloriosa Santa Filomena, chi eis iscípiu apetigai totus is isperantzas e bènis de
custa terra, e non solu de custus bènis, ma de sa própria vida bosta in su prus bellu
flori de is annus nd’eis fatu unu generosu sacrifítziu a Deus, su cali ricumpensendu
apustis cun teneresa s’amori bostu po Issu, at bófiu pònniri in is manus bostas unu
tesoru de gràtzias po dhas ispàrgiri asuba sa terra; otenei a totus nosu sa gràtzia de
non antepònniri mai prus is falsus bènis de su mundu a is verus e eternus de su Celu,
261