Is Pregadorias antigas: su signo de sa devozioni - Provincia del ...

260
IS PREGADORIAS ANTIGAS - SU SIGNU DE SA DEVOTZIONI
Quae sola virgo parturit Nescire prorsus omnia
Haec vota clemens accipi Corrupzionis vulnera. Amen
V. Ora pro nobis Santa Philomena
R. Ut digni officiamur promissionibus Christi.
Oremus
Indulgentiam nobis, quaesumus Domine, beata Philomena Virgo et Martyr imploret:
quae tibi grata semper ...? et merito castitatis, et tuae professione virtutis. Per Christum
Dominum nostrum.
Segunda dí - Oratzioni
O gloriosa Santa Filomena, chi po donai una solenni testimoniantza a sa fidi de
Gesugristu, mancai in tènera edadi, débbili po conditzioni, delicada de persona,
cun eróica fortalesa eis sunfriu de èssiri inserrada in oscuru presoni, e turmentada
cun dogna prus bàrbaru suplítziu de carnífitzis inumanus, otenei a totus nosu
sa gràtzia chi s’inflammit su coru nostu de unu santu amori tzelesti, a modu chi,
si non podeus imitaiosí in su gloriosu martíriu bostu, iscipiaus assumancu suportai
cun virtuosa passiéntzia is aflitzionis e disastrus chi puru tropu s’incontrant in
custa mísera vida.
Babbunostu, Ave Maria, Gloria Patri.
Tertza dí - Oratzioni
O gloriosa Santa Filomena, chi po bosi mantènniri fieli a s’isposu bostu Gesús, non
ricusastis de bosi sotomítiri a cudh’estremu suplítziu cun su cali estis coronau su
penosu martíriu bostu, e bolastis a su celu po arriciri su prémiu de ai passau is dis de
sa vida bosta in s’innocéntzia e de ai manifestau una generosa costàntzia in is prus
durus tormentus fintzas a bòliri pèrdiri prus prestu su corpus chi su Deus bostu, otenei
a totus nosu sa gràtzia de cumbàtiri coragiosamenti ancoras nosu po Gesugristu,
bincendu is malas passionis, e praticai de immoi innantis costantementi is virtudis
cristianas, po chi cun d-una vida totu santa, santa siat ancora sa morti.
Babbunostu, Ave Maria, Gloria Patri.
Cuarta dí - Oratzioni
O gloriosa Santa Filomena, chi po alta dispositzioni de Deus seis istétia manifestada
a su mundu in custus tempus nostus cun su ai incontrau su corpus bostu giai po
cuíndixi séculus ocultu e non connotu in is catacumbas de Roma, e cun is istrepitosus
miràculus operaus po intercessioni bosta, seis istétia elígia de su Celu po mantènniri
viva intra nosu sa fidi, otenei a totus nosu sa gràtzia de non sighiri mai s’impiedadi de
is miscredentis, e de nosi cunservai obbedientis a s’única vera Crésia de Gesugristu,
foras de sa cali no nci at saludi, po chi in cussa fidi chi bosu eis cunfessau cun su
sànguni bivaus sèmpiri costantis e costantis morgiaus.
Babbunostu, Ave Maria, Gloria Patri.