Is Pregadorias antigas: su signo de sa devozioni - Provincia del ...

Comune di Samassi
tzu s’est fatu po indusirisí a abbandonai sa Religioni de Gesugristu, ma cun invincíbbili
firmesa eis iscípiu mantenirisí costanti contra dogna sedutzioni, oponendu, coment’e
vírgini prudenti, a is lusingas sa temperàntzia, a is promissas sa giustítzia, a is ammaletzus
sa fortalesa, superendu in totu sa podestadi de is tènebras: otenei a totus nosu sa
gràtzia de pràngiri cudhus pecaus chi eus commítiu cun su tzèdiri a is tentatzionis, e sa
fortza de resístiri de immoi innantis a totus is sedutzionis de su mundu, inferru e carri.
Babbunostu, Ave Maria, Gloria Patri.
Oratzioni po dogna dí
O castíssima Vírgini e Màrtiri de Gesugristu Santa Filomena, ecu chi mi teneis prostrau
cun su coru e cun sa persona ananti a Bosu, chi po Abbogada mia amorosíssima bosi
elígiu, po chi sia fatu dignu de sa potenti intercessioni bosta a vantàgiu miu ispirituali e
temporali cun su divinu isposu bostu Gesús e cun sa Mamma sua Maria Santíssima.
Bastantementi dèu connòsciu chi totu bosu gosais de s’altu favori insoru, su cali fait,
chi nisciuna gràtzia si bengat negada, chi a Issus de bosu si dimandit, coment’e prova
ndi faint is innumeràbbilis prodígius chi po dogna parti aundi est arribbau su bellu
nòmini bostu, dogna dí si òperant de s’onnipotenti Deus de misericórdia. Po unu tratu
de sa sapientíssima Providéntzia sua at Issu elígiu e destinau a bosu a èssiri sa sperantza
nosta, su cunfortu nostu, su rifúgiu nostu in custus tempus plenus de gravíssimus arroris
e de funestus disastrus. E bosu inflammada comenti seis de immensa caridade, bosi
prestais totu a totus in milli maneras prodigiosas e singularis. Oh! amabbilíssima Eroina
mia e Taumaturga, dèu bosi pregu cun totu s’espansioni de su coru miu chi bosi
digneis de riguardai sa pòbera persona mia coment’e cosa bosta, e mi difendais de is
continus assaltus de cudhus tres nemigus terríbbilis, chi oi prus che mai faint orríbbili e
sanguinosa strage de is ànimas redimias cun su pretziosu sànguni de su Divinu Redentori.
Ma, aici comenti bosu, amorosíssima Abbogada mia, gràtzias, favoris e benefítzius
non domandais si no a cudhus chi a imitatzioni bosta bivint in s’innotzéntzia
de is costúminis, in sa puresa de ànima e corpus chi sunt adornaus de una fidi viva e
operosa, chi de bonu ànimu coment’e bosu sunfrint po amori de Gesugristu is trabballus
e tribbulatzionis de custa mísera valle de làgrimas; aici dèu bosi pregu chi sa gràtzia
mi otengais de pòdiri perseverai fintzas a su fini de sa vida mia sentza imbrutai mai prus
s’ànima de sa prus ligera culpa, antzis de dh’arrichiri de dogna virtudi cun sa prus
perfeta rassignatzioni a totu cudhu chi at a plàxiri a su Segnori chi dèu sunfra in custu
mundu; po chi dèu potza purificai s’ispíritu miu e iscontai is tantis culpas mias. Fidau
in sa sorprendenti amabbilidadi bosta, dèu bosi súplicu po is tantis méritus bostus, chi
mi impetreis sa gràtzia chi bosi dimandu, si custa siat cunformi a sa divina voluntadi, e
cunvenienti a sa salvatzioni de s’ànima mia, oteneimí finalmenti chi dogna dí sèmpiri
prus s’aumentit in mei sa fidi, sa sperantza, sa caridadi e sa contritzioni de is pecaus
mius, e libberaimí de dogna disgràtzia in custa vida e in s’àtera.
Si domandit sa gràtzia.
Bosu coronam virginum Te deprecaremur supplices
Quem mater illa concipit Nostris ut erddas ?sensibus,
259