Is Pregadorias antigas: su signo de sa devozioni - Provincia del ...

254
IS PREGADORIAS ANTIGAS - SU SIGNU DE SA DEVOTZIONI
T. Chi ses Martinu, de paràulas bonas naramindi úndixi.
M. Úndixi funt is undiximilla Vírginis, dexi funt is dexi cumandamentus, noi funt is
noi paramentus, otu funt is otu corus, seti funt is seti donus, ses funt is ses candelas
chi ant allutu in Galilea, cincu funt is cincu liagas, cuatru funt is cuatru Evangelistas,
tres funt is tres Marias, duas funt is tellas de Moisè, candu Gesugristu andàt a pei in
s’ortu de Gerusalemmi. Su Babbu, su Fillu, Ispíritu Santu. Amen
T. Chi ses Martinu, de paràulas bonas naramindi doxi.
M. Doxi funt is doxi Apòstolus, úndixi funt is undiximilla Vírginis, dexi funt is
dexi cumandamentus, noi funt is noi paramentus, otu funt is otu corus, seti funt is
seti donus, ses funt is ses candelas chi ant allutu in Galilea, cincu funt is cincu
liagas, cuatru funt is cuatru Evangelistas, tres funt is tres Marias, duas funt is tellas
de Moisè, candu Gesugristu andàt a pei in s’ortu de Gerusalemmi. Su Babbu, su
Fillu, Ispíritu Santu. Amen
T. Chi ses Martinu, de paràulas bonas naramindi trexi.
M. Trexi no est lei no est lexi, dèu t’isparavundu e ti nci ghetu a unu frumi chi no
passit fillu de cristianu.
Is tres dis po is Animas de su Purgadoriu 361
In nòmini de su Babbu, de su Fillu, de s’Ispíritu Santu. Aici siat.
Siat alabau e ringratziau dogna momentu su Santíssimu e Diviníssimu Sacramentu.
E alabada sèmpiri siat sa pura e Immacolada Concetzioni de Maria.
Atu de Contritzioni
Misericórdia, Signori, mi pentu cun totu su coru de is pecaus mius, mi ndi pentu non
solu po is bènis chi apu pérdiu, e po is malis chi apu menésciu; però printzipalmenti
mi ndi pentu, poita chi apu oféndiu unu Deus tanti bonu e tanti amàbbili cumenti seis
Bosu. Bolemu èssiri mortu innantis de bos ai oféndiu, e propongu firmamenti cun is
ausílius Bostus de mai prus pecai poita chi bos amu prus de totus is cosas. Aici siat.
Oratzioni po dógnia dii
Onnipotenti e Misericordiosíssimu Signori miu Gesugristu, isposu dulcíssimu de is
afligidas ànimas de su Purgatóriu, ascurtai cumpassivu is úmilis súplicas chi fatzu,
po impetrai de sa infinita piedadi bosta s’allíviu de is terríbbilis penas, cun is calis
suntis turmentadas cussas ànimas, chi cun tanti ternura amais, tenei cumpassioni de
is aflitzionis insoru, particolarmenti de sa prus manna de totus, chi est su èssiri privada
de biri a Bosu, chi seis su términu de is ardentis e amorosus disígius insoru. Movei,
Deus miu soberanu, totus is corus de is óminis a vera cumpassioni de issas,
iscidai totus cudhus, chi tenendu obbligatzioni de giustítzia, o de caridadi, in sufràgiu
de issas, dormint discoidaus, sentza cumpriri a is doveris insoru, serrendu cun bàrbara
crudelidadi is origas a is clamoris insoru. Bosi ofèrgiu in sollievu de issas totus is