Is Pregadorias antigas: su signo de sa devozioni - Provincia del ...

Comune di Samassi
cudha creatura chi Deus iat a bènniri a agiudai de bonu mengianu a su primu albèsciri;
su lillu no oféndiu in mesu de is ispinas; s’ortu serrau; su fonti sigillau; totus
custus e àterus innumeràbbilis sunt annúntzius chi de Maria e de sa singulari puresa
posseia sèmpiri de Issa fintzas de su primu instanti Suu fuedhanta sèmpiri a is
Óminis in is tempus antigus. Ma issus fuedhant ancora a is óminis de is tempus
nous. E po cussu dógnia pópulu, dógnia natzioni, is mannus e is piticus, is dotus e
is ignorantis, is génius prus sublimis e is mentis prus simplis, totu a una boxi iant
proclamau po dexiotu séculus s’Immaculada Concetzioni de Maria, paràula imparada
de s’Ispíridu Santu, e passada de menti in menti, de coru in coru, de língua in
língua, cun perpétua inalterada traditzioni. E finalmenti sa Crésia Católica cun s’infallíbbili
magistériu de su Supremu Pontífitzi Suu su Nonu Piu, candu su séculu
decimunonu cumentzat a s’inclinai faci a su fini suu in mesu de s’esultatzioni de sa
Terra e de su Celu, pronúntziat sa irreformàbbili senténtzia sua, chi sa Cuncetzioni
de Maria est Immaculada. E nosàterus ancora artziendu in mesu de is universalis
aclamatzionis sa boxi nosta, po cara convintzioni nosta, e meda prus po úmili e
sintzera ubbidiéntzia a sa Crésia Católica Mama e Maista nosta, repeteus ancora
nosàterus cun firma fidi: Issa est Immaculada.
Unu Babbu nostu, tres Ave Marias, unu Gloria Patri.
Oratzioni a sa Santíssima Trinidadi
O Santíssima Trinidadi Únicu Deus! Bosu isplicais a is Óminis cun su magníficu
linguàgiu de is profetzias e de is figuras is òperas Bostas prus singularis e prus
etzelsas; e custu est efetu de su poderi, de sa sapiéntzia, de sa bondadi Bosta
infinita. Cun su supremu poderi Bostu Bosu feis serbiri is avenimentus de totus is
tempus a significai sa grandesa de is òperas Bostas. Cun sa infinita sapiéntzia
Bosu eligeis e ordinais is cosas presentis, e cun issa illustrais is prodígius de su
tempus venturu. Cun sa immensa bondadi Bosu agiudais sa debbilesa de is mentis
de is Óminis fendu sensíbbili antitzipadamenti in medas e vàrias maneras sa
etzelléntzia de cudhus mistérius ch’issus sunt incapatzis de contzebiri a unu solu
tratu. O linguàgiu maravigliosu e istupendu e totu dignu de Bosu, o Deus Unu e
Trinu! Cun custu linguàgiu Bosu eis annuntziau in dógnia tempus a is óminis e
eis isplicau is grandesas de Gesugristu e de is mistérius Suus, chi sunti s’òpera
prus etzelsa de sa infinita sapiéntzia, poderi e bondadi Bosta. E fiat cosa meda
giusta chi aici fussit fatu. Ma si a su própriu tempus, e cun custu própriu linguàgiu,
Bosu annuntziais e isplicais ancora is grandesas de Maria, e in particulari sa
càndida puresa de Issa, est cosa clara chi custa puresa est computada de Bosu intre
is òperas prus mannas, prus etzelsas, prus perfetas, apustis de sa de Gesugristu; o
po mellus nai intrat in s’òpera de Gesugristu coment’e cosa unia intimamenti a
issa, comenti gemma pretziosa incastrada in sa corona reali po ndi formai unu cúmulu
maestosu de prodígius e de maravíglias cun magnificéntzia sa prus istupenda
e gloriosa. E po cussu gràtzias infinitas siant a Bosu, o Trinidadi Beatíssima! S’onori,
sa glória de òperas tantu bellas est totu própria Bosta. Ma est ancora nosta, poita
chi ancora po bèni nostu Bosu Bosi dignais cumpliridhas in mesu de nosàterus, e a
247