Is Pregadorias antigas: su signo de sa devozioni - Provincia del ...

Comune di Samassi
agiudus de sa saludi a is miseràbbilis. Ma inter totus is Santus Maria depiat èssiri sa
printzipali intercessora e Abbogada, comenti depiat èssiri cun Gesugristu Fillu Suu
Cooperadora de su grandu Rescatu e Corredentora de su mundu, poita chi prus intimamenti
unia a is mistérius e a sa santidadi de Issu, e de sa gràtzia de Issu prus
abbundantementi plena. E po cussu comenti Gesugristu perfetíssimu Pontífitzi e primàriu
Mediadori est sèmpiri in summu gradu santu, innotzenti, immaculau, separau
de dógnia corrutzioni de is peris [pecadoris?], e sublimau asuba de totus is Celus:
talis enim decebat ut nobis esset Pontifex sanctus innocens, impollutus, segregatus a
peccatoribus, et excelsior coelis factus (Hebr. 7, 26); aici etotu depit èssiri sèmpiri
Maria po cumpàrriri cun cunfiantza a su tronu de s’Altíssimu in calidadi de Corredentora,
e de printzipali Abbogada e intercessora apustis de Gesugristu.
Unu Babbu nostu, tres Ave Marias, unu Gloria Patri.
Oratzioni a sa Santíssima Trinidadi
O Santíssima Trinidadi Únicu Deus! O calis gràtzias Bosi depeus rèndiri po sa inesplicàbbili
bondadi, cun sa cali nosi donais non solamenti unu Redentori onnipotenti,
un’altíssimu Abbogau, unu Soberanu Pontífitzi, chi est Gesugristu; ma de prus innumeràbbilis
amigus de custu Redentori, calis sunt is Santus, chi plenus de su ispíritu e
de is gràtzias de Issu, sunti sollítzitus de sa salvatzioni de is pecadoris, e de su Celu
dhus incoragint e dhus agiudant a si uniri a Gesugristu e a si fai dignus de Bosu? O
cantu prus immensamenti ancora seus obbligaus a Bosu, o Deus Unu e Trinu, po nos
ai donau a Maria de una parti Sorri nosta, de àtera parti Segnora nosta e Mama e
Conredentora e Abbogada poderosíssima asuba de totus is àterus Santus? O bellu
consolantíssimu Mistériu chi est custu! Est providéntzia Bosta, o clementíssima Trinidadi,
chi de is Santus siat in custu mundu restrinta sa glória e sa poténtzia; e boleis
chi unu Santu siat connotu in d-unu logu e no in d-un’àteru, siat onorau invocau cun
particulari confiantza in certus bisòngius, in certus tempus, de certa conditzioni de
personas, e no po àterus bisòngius, o in àterus tempus, o de àteras personas; antzis de
medíssimus Santus lassais ignorai su nòmini e fintzas s’esisténtzia. Ma nessunu límiti
ponendu a sa glória e a su poderi de Maria, boleis chi dógnia conditzioni de personas,
in dógnia paisu, in dógnia tempus, po calisiollat bisóngiu, dha invochit, dha
tengat po singulari confortu, po firmu apógiu, po amorosíssima Mamma e Abbogada.
E seis certamenti Bosu, sapientíssimu donadori de dógnia bèni, chi cuntzedeis cun
giustu pesu e misura custa glória esteriori a is Santus Bostus, e chi infundeis in is
corus de is Fidelis is sentimentus de particulari devotzioni po issus. Estendendu duncas
sentza términu ne misura sa glória de Maria, e sa devotzioni de totus is Fidelis po
Issa, boleis manifestai ch’Issa est cun Bosu apustis de Gesugristu Abbogada sa prus
digna, sa prus atzeta e cara de dógnia parti, poita chi Issa at bintu de dógnia parti su
pecau e fintzas s’umbra de su pecau, e in dógnia parti e in dógnia instanti est istétia
plena de gràtzias superioris a cudhas de totus is àterus. Siais eternamenti benedita, o
Santíssima Trinidadi! Poita chi manifestendu in custu modu is singularis grandesas
de Maria feis a nosàterus misericórdia tantu manna.
Unu Babbu nostu, tres Ave Marias, unu Gloria Patri.
245