Is Pregadorias antigas: su signo de sa devozioni - Provincia del ...

Comune di Samassi
Sancta Sanctorum, totu puresa, totu candori, totu resplendori de luxi celestiali e Divina.
Nosu miraus cun allegria e cun maravíglia custa pretziosa sorti Bosta chi resultat
ancora in profetu e glória nosta. Ma dha miraus ancora cun timori, poita chi,
essendu nosàterus concebius e créscius in su pecau, is risplendoris de sa santidadi e
puresa Bosta nosi fàinti connòsciri prus claramenti sa indignidadi nosta, e nosi plenint
de confusioni e de dolori. O Vírgini puríssima! Fei chi crèsciat in nosàterus custu
salutari timori, chi nosi fatzat operai cun prus impegnu sa santificatzioni de is ànimas
nostas: insaras at a crèsciri ancora s’allegria e sa glória nosta.
Unu Babbu nostu, tres Ave Marias, unu Gloria Patri.
(Si cantat s’innu Ave Maris Stella, o is Letanias Loretanas).
V. Immaculatam Conceptionem Beatae Mariae Virginis devotissime, celebremus;
R. Ut Ipsa pro nobis intercedat ad Dominum Jesum Christum.
In sa vigília de sa festa e po totu s’otava si cantant is versus sighentis:
V. Immaculata Conceptio est hodie Sanctae Mariae Virginis;
R. Cuius vita inclita cunctas illustrat Ecclesias.
Oremus
Deus, qui per Immaculatam Virginis Conceptionem dignum Filio Tuo habitaculum
praeparasti; Eius nobis intercessione concede, ut cor et corpus nostrum immaculatum
Tibi qui Eam ab omni labe praeservasti, fideliter custodiamus. Per eundem Christum
Dominum nostrum. Amen
Segunda dí
Si Maria fintzas de su primu instanti Suu at tentu sa perfeta integridadi, e unu gradu
nou de puresa e de innocéntzia originali at introdúsiu in sa corrúmpia naturalesa, no
est istétiu de Sèi ch’Issa at pótziu fai custu, ne po is méritus Suus. Sa creatura calisiollat
ch’issa siat non podit de sèi sola fai cosa digna de Deus, ne meritai cun Issu,
poita chi àteru capitali non tenit própriu suu che su puru nienti. Ma est istada sa
gràtzia libberalíssima de Deus Redentori, chi at prevénniu Maria e dh’at preservada
immaculada, po chi nemmancu po unu mínimu instanti issa fussit infetada de sa
culpa originali, a sa cali coment’e filla de Adamu depiat ancoras Issa abbarrai sugeta.
No, no est beru chi su afirmai Maria concebia sentza mància de pecau siat diminuiri
sa necessidadi o sa virtudi de su Rescatu de Gesugristu: est anzis illustraidha e magnificaidha.
De Gesugristu comuni Redentori e cun su Sànguni pretziosíssimu de
Issu est istétia rescatada ancora Maria e libberada. E non podiat èssiri diversamenti.
Ma Issa est istétia rescatada de su dépidu de su pecau innantis de nd’èssiri fata scraa,
a diferéntzia de totus is àterus, chi sunti rescataus apustis de ai provau sa sclavitúdini;
est istétia libberada po chi non fussit mai ligada cun is comunis cadenas; est istétia
preservada po chi non fussit mai tocada de sa corrutzioni generali. E su Sànguni
pretziosíssimu de Gesugristu chi balit a nosàterus po nosi purificai de is màncias già
contraias, est bàliu a Issa po no ndi contràiri mai nisciuna. O meravigliosu! O etzellenti!
O potentíssimu Rescatu de Gesugristu!
Unu Babbu nostu, tres Ave Maris, unu Gloria Patri.
233