Is Pregadorias antigas: su signo de sa devozioni - Provincia del ...

Comune di Pauli Arbarei
M. Non dhu lessis prus arrutu
agiuda a ndi dhu pesai
su pecau as a lassai
prangendu cun grandu lutu.
VIII STAZIONE
N. Cudhu Gesús de Betlemme
afrigiu e maltratau
innòi at incontrau
is fillas de Gerusalemme.
M. Amadas fillas, lassai
tanti suspiru po mei
pràngiat ognuna po sèi,
non c’est motivu ‘e lagrimai.
M. Non pràngias tui a Gesús
po tui forma s’est prantu
ca ses pecadori tantu,
prangi e prangi is pecaus tus.
M. Prangi e s’errori lassadhu
ca a Gesús donas cuntentu,
cun carignu e cun afetu
de immoi innanti consoladhu.
IX STAZIONE
M. Tribbulia de sa scorta
cun sentimentu e prus dolori
est arrutu su Criadori
a faci in terra sa tertza borta.
M. Arrutroxa lastimosa
de s’innocenti Messia
arrutu po crupas mias
cun pena tanti aggravada.
M. Su chi Celu manteniat
terra e mari fait istai
po si ndi podi pesai,
vigori prus non teniat.
M. Cali est cun coru tiranu
chi non firmat sentimentu
bit cun tanti turmentu
custu Rei suberanu.
X STAZIONE
M. A su patzienti Gesús
cun bregúngia meda istrana
cudha canàglia inumana
dh’ispollant de is bestiris sus.
M. Sendi sa buca asciutada
de tanti amaru patiri
a Gesús feli po biri
donant sa genti malvada.
M. Su chi su mari at formau,
isciundit sa terra proendi,
sendi de sidi morendi
àcua no nd’iant agatau.
M. Cun tanti lutu e cun dolu,
cun tristesa e cun dolori,
mira a Gesús, o pecadori,
privau de dógnia consolu.
M. O sentimentu, mi pois isciri
de unu Deus sa bellesa
po imbussai sa nudesa
non tenit unu bestiri.
XI STAZIONE
M. O su fillu de Maria
chi a is tzurpus donas luxi
innòi incravat in sa gruxi,
cudha vili cumpangia.
M. Custu babbu carignosu
po riscatai is fillus
sunfrit crudelis obbillus
de ferru tanti dolorosu.
223