Is Pregadorias antigas: su signo de sa devozioni - Provincia del ...

222
IV STAZIONE
M. Innòi meda afannat
su Redentori in sa vida
sa mamma sua afrigida
prangendi dh’iat incontrau.
M. Si prangis, reina amada,
ca a bosu toca su prantu
ca fillu bostu est bellu tantu,
est in pena ostinada.
M. Fillu de su coru miu,
narat Maria afrigida,
fillu comenti ti biu
andendi a perdi sa vida!
M. Fillu miu de su coru,
fillu de mamma istimau,
fillu miu tentu che moru,
fillu comenti ses torrau!
V STAZIONE
M. Sa gruxi po t’incravai
innòi coment’e rei
Simmoni su Cireneu,
ti agiudat a portai.
M. Oh! Tragédia lastimosa
de unu Deus afannau
su chi agiudat boit agiudau
po sa gruxi tanti penosa.
G. Cumpassioni, o pecadori,
non dhi agiúngias pesu prus,
ca su pecau est orrori
po sa gruxi de Gesús.
M. De tanti pesu allebiadhu
usendi in vida passiéntzia
fendi dura peniténtzia,
a dha portai agiudadhu!
IS PREGADORIAS ANTIGAS - SU SIGNU DE SA DEVOTZIONI
VI STAZIONE
M. Innòi cun su mucadori
de conca própria pigau
sa Verónica at limpiau
su fronti a su criadori.
M. Po miràculu e po ispantu
de cudha faci afeada
sa figura est abarrada
imprimia in su pannu santu.
M. Cudhu Gesús tanti ermosu
po sa mala vida tua,
portada sa faci sua
prena de pruini oscurosu.
M. Pena forti e dolori
biri su fillu de Maria
totu prenu de salia
sànguni, ludu e sudori.
VII STAZIONE
M. Innòi mancada dhi furiat
sa fortza casi totu
dismajau e mesu mortu
sa segunda borta arruiat.
M. Po ti ndi pesai tui
de sa crupa, o pecadori,
su divinu Redentori,
non boit prus arrui.
M. O barbaridadi fiera
de cudha genti traitora
sa poténtzia criadora
at fatu arrui a faci in terra.
M. O pecadori inumanu,
de Gesús teni piedadi
in tanti penalidadi
donadhi, ingratu, sa manu.