Is Pregadorias antigas: su signo de sa devozioni - Provincia del ...

Comune di Pauli Arbarei
siat benedita de mei
e de s’Ispíritu santu!
M. Fillu miu de su coru,
già chi in totu mi lassas
cun carignu chi mi abbratzas,
pigamindi custu coru!
G. Adiosu, mamma afrigida,
adiosu, mamma isconsolada,
adiosu, mamma tribbugliada,
adiosu, mamma consumada!
M. Adiosu, fillu apretziau
fillu de mamma cuntentu,
adiosu, fillu non gosau
de mamma pagu protetu!
M. Benededitu siat cantu
fillu apu fatu po tei,
cantu as fatu tui po mei
siat benedíxiu un’aturetanti!
I STAZIONE
M. Innòi sentza de cleméntzia
is Giudeus cun rigori
a Cristu nostru Signori
cundennau dh’anti senténtzia.
M. Po tui pecadori ingratu
a unu Deus sententziau
de ispinas incoronau
cun dolori e pena tantu.
M. Cudhu fillu de Maria
de àngiulus consolu
oi abbandonau e solu
postu in tanti tribbulia.
M. Babbu, teni cumpassioni
de unu fillu maltratau,
mira a innui dh’at portau
una vili passioni.
II STAZIONE
M. Cudha genti ingrata e mala
innòi sentza de piedadi
a s’immensa magistadi
ponint sa gruxi a pala.
M. O ispetàculu orrorosu
de tanti bàrbara genti,
a unu Deus innocenti
pesu tanti lastimosu!
M. Pecadori, is pecaus tus,
funti sa gruxi pesanti
chi a is palas de Gesús
donant turmentu tanti.
M. Mira, mira cun premura
custu Gesús aviliu
po tui ingrata creatura
de tanti pesu e abbatiu!
III STAZIONE
M. Innòi cun grandu lutu
non podendu avantzai prus
sa prima borta Gesús
A faci in terra est arrutu.
M. Cudhu Deus Soberanu
chi donat fortza e vigori
po tui ingratu pecadori
arruit prenu de afannu.
M. Su pesu de su pecau
sa fortza ndi dhi at pigau totu
però tui dh’as causau,
pecadori disconnotu.
M. Prangi e fai peniténtzia
de sa tua ingratitudi,
Curregi cun sa virtudi
su malu coru chi as tentu.
221