Is Pregadorias antigas: su signo de sa devozioni - Provincia del ...

Comune di Pauli Arbarei
apu pregontau chi dhui est passada
dhui est passada Nostra Signora
issa ainnantis e su fillu agò
Santu Giusepi cun sa canò
santu Giusepi po cumpangia
ita fillu bellu chi tenit Maria.
Pregadoria 327
Pillonedhu pitiu pitiu,
pesau mi seu in su bonu camminu,
pesau mi seu in su bonu mengianu,
ogus a celu apu artziau,
ogus a celu a sa Gloriosa.
Frisca seis che sa rosa,
frisca seis che su lillu.
Mamma cara, cudhu Fillu,
mamma cara, cudhu Santu,
Babbu, Fillu e Ispíridu Santu,
Babbu Fillu e Ispíridu Santu.
Pregadoria 328
Pillonedhu crispu crispu,
ita portas in su pitzu?
“Ollusantu batiau”
Gesugristu est nomenau,
nomenau in sa novena.
Ave, Maria, gràtzia prena!
Pregadoria a Sant’Elena
po is cosas pérdias 329
Sant’Èlena mia gloriosa
comenti as agatau
sa gruxi santa de su Signori
faideimí agatai s’ogetu.
Pregadoria candu unu si ndi pesat
de su letu 330
Apena pòngiu is peis in terra
Deus mi ndi boghit de pena
E de dogna malasorti,
Sa dí de oi
Mi acumpangit cun bona sorti
In nòmini de su babbu, de su Fillu
e De s’Ispíritu santu.
Amen
Pregadoria innantis de fai
sa comunioni (inartendi su càlixi) 331
Sanctus Sanctus! Funti tochendi;
Gesugristu est abbascendi
cun s’óstia cunsegrada
bèni ciueta e commossada
lati de petus de Maria
pedronai s’ànima mia.
Pregadoria innantis de si crocai 332
Letixedhu miu est de cuatru cantus
e dhoi crocant cuatru Santus:
duus in peis e duus in conca.
Nostra Signora ci siat pronta.
Pregadoria intrendi a crésia 333
219
Acuasanta mi cunsignu;
a Deus saludu a primu
e a Nostra Signora.
No apu ascurtau missa ancora
E seu benida a ndi ascurtai
chi mi bobeis pedronai
cun ànima e cun cropus
nostra Signora perdonat a totus
custu arrugu pòngiu in terra
e dhu pòngiu (a s’assegnu)
su santíssimu e Diviníssimu Sacramentu.