Is Pregadorias antigas: su signo de sa devozioni - Provincia del ...

Comune di Pabillonis
Pregadoria intrendi a crésia 306
Acuasanta mi cunfrimu
E saludu a Deus in primu
E a Nostra Signora.
No apu ascurtau missa ancora.
E seu benida a nd’ascurtai,
no seu segura chi nci apu a torrai
Deus e is Santus de mi perdonai.
Pregadoria po fai sa comunioni 307
Cuntenta ses s’ànima mia
de su pani chi ti apu giau
ciuetu e cummossau
cun su lati de Maria
cuntenta ses s’ànima mia.
Pregadoria poi is cogas 308
Santu Sinni Sinniai
Solu solu a mi crocai
Solu solu a mi dromí
A nemmus a no timmí
Ne a Luchi ni a Matí
innòi ci at a èssi Deus
e santu Patriarca
de innòi s’isfatat
de is pipius e de is aposentus mius
passit cantu bollat fai
Santu Sinni Sinniai.
Ita bellu chi est su mari
Sèmpiri dhoi at luxi
A làntia de paperi
Ita bellu chi est su mari
Non s’apu a fai sa gruxi
Cun sa manu de su predi
Cabendi de s’altari…
Pregadoria po is istracias 309
Santa Bràbara e Santu Giacu
bosu portais is crais de celu
bosu portais is crais de lampu
non tocheis a fillu allenu
ne in domu ne in su sartu.
Santa Bràbara e Santu Giacu.
Pregadoria po s’iscravamentu 310
Sa Corona: Santa Maria Maddalena
Prangi, prangi, ànima mia,
Cun d-unu coru umiliau!
De ispinas incoronau
A Gesús e a Maria (2volte)
Is Obbilis: San Giovanni Apostolo
Is obbilis funti tres
(dus in manus e unu in peis)
Cantu funti penetrantis
Prangint is culpas innantis
211
Chi de coru de perda non ses ! (2 volte)
Sa crésia de su Santu Luxori 311
Santu Luxori est in su pranu, términi catastali
De Pabillonis cun Morimenta Mogoresa.
Decidint insaras in riva a su canali
De dhoi depi nasci un’òpera a sorpresa.
Don Spada po primu promòvidi su fatu
E súbbitu dhu passat a Muntzegnori,
Su pópulu totu dhu pigat de scatu
Prontu a nd’informai grupu promotori.
S’istúdiat su fatu po su Presidenti
Send’èssi riunius in conversatzioni,