Is Pregadorias antigas: su signo de sa devozioni - Provincia del ...

210
Pregadoria 299
… quando erano piccoli erano in 10
e bussavano alla porta delle case:
Chi est in dommu mia?
Seu Deus!
Ita bollit Deus in dommu mia?
Unu santu: Santu Pietru o Santu Benediu,
su chi obiat.
Chi no dhui fut dhi naràt:
Non c’est.
Poi torràt a furriai e torràt a bussai:
Dun, dun!
Chi est!
Seu Deus!
Ita bollit Deus in dommu mia?
Unu santu.
Ita Santu?
Santu Giusepi.
E intzà ci fiat e ndi dhu liàt fintzas a finí
totus cudhus.
Candu finiant totus cudhus, intzaras torràt
a incummentzai totus cussus chi finiant
a nai totu cussas cosas.
Pregadoria a Santa Bràbara
e Santu Giacu 300
Santa Bràbara e Santu Giacu
Bosu portais is crais de celu
Bosu portais is crais de is lampus
Santa Bràbara e Santu Mateu
non tocheis a fillu allenu
ne in domu e ne in su sartu.
Santa Bràbara e Santu Giacu
Pregadoria candu si nci corcaus a letu 301
Gesús, Giusepi e Maria, dèu si donu
su coru e s’ànima mia…
Nosu si crocaus cun Deus, e cun Nostra
Sinniora si ndi peseus…
IS PREGADORIAS ANTIGAS - SU SIGNU DE SA DEVOTZIONI
Dèu mi crocu po mi dromí
Tres cosas tèngiu de pedí
primu sa cunfessioni,
poi sa comunioni e poi s’ollusantu
Domine Padre, Fillu e Ispíritu Santu.
Pregadoria candu si pigat s’acuasanta 302
Acuasanta mi cunfrimu
Salludu a Deus in primu
E a nostra Segnora,
no apu ascurtau missa ancora
seu benida a ndi ascurtai
no seu segura chi apu a torrai,
at a torrai s’ànima a su corpus,
Nostra Segnora assistat a totus!
Pregadoria ingenughendisì 303
Mi ingenugu cun atentu
Beneditu siat e allabau
Su Santíssimu Sacramentu.
Pregadoria innantis de andai a letu 304
Dèu mi crocu po mi dromí
e tres cosas tèngiu a si pedí
Cunfessioni, Cumunioni e Ollusantu
Patre e Fillu e Ispíritu Santu.
Pregadoria innantis de si dormiri 305
Su letu miu est de cuatru cantus
e dhoi crocant cuatrus santus
dus a peis e dus a conca
nostra Sinniora dhoi siat pronta
cun totu s’aréntzia,
Nostra Sinniora mia.