Is Pregadorias antigas: su signo de sa devozioni - Provincia del ...

Comune di Pabillonis
Su pecau non m’ingannit ni a dedí e ni
a su noti,
fintzas a s’ora de sa morti…
Pregadoria 293
Brano che si diceva nella settimana santa:
In sa corti de Bellei
centu milla at incravau
una fémmina de bèni
una fémmina cristiana.
Nostra Sinniora mi est atopada
cun totu is apòstulus suus.
In mesu mesu de Gesús
in mesu mesu incravau
unu mucadori dhi apu donau
po s’istrexi su sudori
ca fiat tropu sudau.
Pregadoria 294
Pillonedhu pitiu pitiu,
ti ses pesau in su bonu camminu,
in su bonu camminu ti ses pesau
ogus a celu apu artziau,
ogus a celu a sa Groriosa.
mamma seis frisca, seis che sa rosa,
Mamma seis frisca, seis che su lillu.
Domine su Babbu e su fillu.
Pregadoria 295
Cunfessioni, comunioni, ollusantu
Domine su Babbu, su Fillu e s’Ispíridu
Santu.
“Arreina mia bèni coronada,
letu de batísimu ses crocada,
letu de batísimu in letu bostu,
essendi fadendi custa visioni,
chi dhoi andada caru fillu bostu
209
si narada: «Mamma ita fadeis?»”
“Dèu, fillu miu, non dormu e non billu,
notesta mi est cumpartu
ca ti acapiànt, ca ti teniant
sa corona de òru ti ndi pigànt,
sa de ispina ti cravànt”.
Chi at a nai cussas tres bias
tres bias a su noti
tres bias a mengianu
ndi at a iscampai Deus
de dogna mala sorti.
Pregadoria 296
Pillonedhu, pillonedhu,
Ita dhoi at in s’iscartedhu?
Fillu santu batiau,
batiau in sa Novena
o Maria, Gràtzia prena!
Pregadoria 297
Sa merla chi arricamu
Dha pòngiu in s’aposentu
apitzu de sa consolla.
Sa merla chi arricamu…
In custu divertimentu
mi giru ca seu sola
non c’est a chini amu.
Pregadoria 298
Sa dí de Pasca a mengianu
Maria cicat su fillu
a fai s’incontru.
Sa dí de Pasca a mengianu…
Ca ses unu frori sintzillu
Deghí ti apu connotu
Po cussu chi ti amu.