Is Pregadorias antigas: su signo de sa devozioni - Provincia del ...

208
sententziau dh’ant a morti
cun cussas cadenas fortis
dhi sonanta sa trumbita
sa mamma s’est posta in circa
totu sa noti fiat girendu
suspiru e suspirendu
suspiru de su coru
“Biu m’eis custu tesoru?”
Unu innòi nci nd’at passau”.
“Cussu fiat fillu miu creadori
A morti dhu portenti
E bregungiosu ndi dhu tenenti
Cun sa colunna acapiada
Sa mamma est benida a dh’itzerrai
Istella, soli, luminosa
No nd’eis mai biu piedadi
Deus ti salvit, Maria,
Reina mamma de sa solidadi.
Nostra Signora de Fàtima 289
Madonnina de Fàtima, Signora,
Fiasta benibenida in domu mia,
Su nòmini Tú pronunciaus a dogn’ora
E in custu momentu cun pregadoria
Giai chi possideus fidi ancora
A implorai de su celu Mamma mia.
Regina chi ses brillanti ancora,
Circa de s’alleviai sa tribbulia.
Sèmpiri ti pregaus, Signora,
De s’agiudai in fatus e saludi
Immou chi pellegrina ses andendi,
Càstia in primu logu sa gioventudi
Chi medas funt a su Bonu rinneghendi,
No acetat insegnamentu de virtudi,
Pentzat chi Tui in mau chi ses passendi
In dogna domu po custa congitudi
Chi torrint a fillu Tú esultendi,
Segurus de ai agatau felicidadi
Ca su mundu sèmpiri est cambiendi.
Dona puru una castiada a s’antzianidadi,
Po medas su tempus est giai ispacendi
Pusti chi est superada sa tertza edadi,
IS PREGADORIAS ANTIGAS - SU SIGNU DE SA DEVOTZIONI
A Tui funti sèmpiri invochendi
Po dhus agiudai in casu ’e infermidadi.
Su tempus chi immou seus conoscendi
Non c’est prus fratellantza in s’umanidadi
Po custa bundadi a Tui Signora
Isperaus sempri de Ti tenni acanta,
Immàgini Santa chi donau s’at Deus
E fillus Ti seus finas a ispirai.
Pregadoria 290
Acuasanta mi cunfrimu
E saludu a Deus in primu
E poi a Nostra Signora.
No apu ascurtau missa ancora.
Seu benida a dh’ascurtai,
no isciu chi apu a torrai
cun s’ànima e cun su cropus,
Nostra Signora agiudit a totus.
Pregadoria 291
Nostra Signora mia de su Crammu
Cun totu su coru miu si amu
Cun totu su coru miu s’istimu
S’ànima mia a bosu dha confrimu
Tali chi mi doneis
Paxi e arregodu
S’ànima mia dha cunfrimu a bosu
Fintzas a s’ora de sa morti mia.
Eviva Gesús, Giusepi e Maria.
Pregadoria 292
Su letu miu est de cuatru cantus,
e dhoi crocant cuatru santus:
dus in peis e dus in conca,
Nosta Sennora dhoi siat pronta po aberri
s’enna mia,
su bastoni de Maria, su bastoni de Giuanni,