Is Pregadorias antigas: su signo de sa devozioni - Provincia del ...

Comune di Pabillonis
S’alimentu est po patiri
Prus afannu, prus valori.
O Batista…
Cali celesti creatura
Aparit in su Giordanu
Fatu núntziu soberanu
De is arcanus de s’altura,
solu a ti biri in figura
si pentit su pecadori
O Batista…
Fendi gherra a su pecau
Altzas sa boxi potenti,
T’ascurtat totu sa genti
Cun su coru infervorau,
Proclamas chi est arribbau
Su Messia Redentori.
O Batista…
S’eternu Verbu umanu
Est esémpiu soberanu:
De Batista in su Giordanu
Bolit èssi batiau;
cali santu at alcantzau
de su celu tanti onori.
O Batista…
Ses de Gesús proclamau
Profeta, e prus che profeta,
ses rígidu anacoreta
ses àngelu predicau
in su zelu infervorau
a un’Elia superiori.
O Batista…
Cun su zelu infervorau
Annúntzias sa beridadi,
Riprendis cun libbertadi
Un’Erodi incestuosu
E in presoni tenebrosu
Inserrau ses cun furori.
O Batista…
Sa conca tua innocenti
Po un’infami giuramentu
Fatu in fatali momentu
A ballerina indecenti
Cuncedit infamementi
Erode persecutori.
O Batista…
Pagat s’ímpiu su pecau
Morendi miseramenti
E tui bolas risplendenti
A su limbu disigiau,
Precursori destinau
De su Deus consoladori.
O Batista…
Salve o Gesús istimau
Salve màrtiri, e profeta
E vírgini e anacoreta
Tantu in celu sublimau.
De chin’est isconsolau
Sias potenti intercessori.
O Batista…
Su nòmini tú est famosu
In totuganta sa terra;
miranosí in custa gherra
de su mundu tenebrosu,
alcantzanosí su gosu
de s’eternu risplendori.
O Batista…
Deus ti salvit, Maria 288
Reina mamma de sa solidadi
nosi doneis cumpangia
nosi doneis felicidadi
Nostra Signora mia de sa ghia
ita fillus malus chi seus
ca Deus est ingruxivisciau
de ispinas est coronau
coronau da Giudeu
cudhu veru, veru Deu
207