Is Pregadorias antigas: su signo de sa devozioni - Provincia del ...

200
IS PREGADORIAS ANTIGAS - SU SIGNU DE SA DEVOTZIONI
T. Chi ses Martinu, de paràulas bonas mi ndi as a nai úndixi.
M. Úndixi funt is Undiximila Vírginis, dexi funt is Dexi Cumandamentus, noi funt is
noi Paramentus, otu funt is otu Corus, seti funt is seti donus, ses fun is ses Cereus,
cincu funt is cincu [liagas], cuatru funt is cuatru Evangelistas, tres funt is tres Marias,
duas funt is tellas de Moisè chi ant fatu luxi a Cristu candu est passau in terra de
Gerusalemi, nomine Patri, et Fili et Spiritui Santo.
T. Chi ses Martinu, de paràulas bonas mi ndi as a nai doxi.
M. Doxi funt is doxi Apòstolus, úndixi funt is Undiximila Vírginis, dexi funt is Dexi
Cumandamentus, noi funt is noi Paramentus, otu funt is otu Corus, seti funt is seti
donus, ses funt is ses Cereus, cincu funt is cincu [liagas], cuatru funt is cuatru Evangelistas,
tres funt is tres Marias, duas funt is tellas de Moisè chi ant fatu luxi a Cristu
candu est passau in terra de Gerusalemi, nomine Patri, et Fili et Spiritui Santo.
T. Chi ses Martinu, de paràulas bonas mi ndi as a nai trexi.
M. Trexi no est lexi, no est lei, bai fora de mei a mari chena de fundu, a mari isprofundau.
Pregadoria 267
A Santus a Santus funti tochendi
Gesugristu est abascendi
cun s’Óstia cunsagrada
bèni ciueta e cumossada
cun su lati de Maria
bengat Gesugristu
a consolai s’ànima mia.
Pregadoria 268
Cudhu pipiedhu
non portat mantedhu
e nimmancu coritu
nàsciu in tempus de fritu
non narat titia
dromi fillu ‘e coru
arriposa anninnia.
Pregadoria 269
In sa porta de Bellei
dhoi at tremilla cravàrius
una fémina sentinella
una fémina cristiana
Biu eis a Nostra Signora passada?
Biu eis a Deus Gesús?
Biu eis a Deus amau?
Su pannu de conca
si ndi at pigau
po s’istrexi su sudori
ca fut meda sudau
andamus andamus
cantu prus acoitaus
incravau Dh’agatamus
in manus e in peis
cun sa corona de ispinas.
Chini at a nai custa tres bias pena de
Inferru mai no biat,
chini tres bias a mangianu ndi dhu
campit de puntu malu,
chini tres bias a su noti ndi dha campit
de mala morti, de morti subbitana,
Reina mia Coronada.
Pregadoria 270
Óstia Santa cunsagrada
de Àngelus ingiriada
de Àngelus e de Apòstolus
Gesús perdonit is pecaus nostus.