Is Pregadorias antigas: su signo de sa devozioni - Provincia del ...

Comune di Lunamatrona
Àngelu miu guardiadori 261
Àngelu miu guardiadori
chi ses mandau de su Redentori
po castiai s’ànima mia,
po mi fai cumpangia,
po mi donai atentzioni,
libberamí de sa tentatzioni
de custu aremigu infernali,
libberamí de dogna mali
de cust’ànima dolenti,
po chi ti tenga presenti
in is portas de su Paradisu.
Santu Gunzaga Luisu
Santu Bissenti Ferreri
Sant’Efis guerreri
tengaus a su fiancu.
Nosu non fatzaus de mancu
de nai cust’oratzionni
Santa Bàrbara e Santu Gironi
Santu Giacu e Sant’Arrocu
candu in su letu miu mi crocu
e sa gruxi mi cumentzu
candu solu solu pentzu
ca seu in sa sepoltura
mi arripentu cun premura
de un’atru pecau
Deus e Santu Libberau
Deus e Santu Tzerafinu
pe parti de su coscinu
de is àngulus de su letu.
Ti saludu cun afetu
sa Celesti cumpangia
Gesús, Giusepi e Maria
totus impari si pregu.
Totus impari s’intregu
su coru e s’ànima mia
A Gesús, Giusepi e Maria.
LUNAMATRONA
195
Cògius de Santu Sebbastianu Màrtiri
chi si vènerat in Lunamatrona 262
Valorosu capitanu
de sa fidi difensori,
siais nostru intercessori,
gloriosu Sebbastianu.
1) Tui ses Santu Sebbastianu
citadinu de Narbona
glória e vantu de Milanu
a is Romanus ses famosu
ses connotu a Diocletzianu.
2) Ammirau s’imperadori
de sa fortza e sa bellesa
chi adornat cun isplendori
sa persona a Sebbastianu
de s’esércitu Romanu
Dhu disignat capitanu.
3) Ses non solu capitanu
de tanta cavalleria
ma, in prus, ses cristianu
in mesu a s’idolatria
in tristura e in allegria
po s’esércitu romanu.
4) Tui ses forti e coragiosu
e non timis de mostrai
sa virtudi intemerada
a dogna ànima afannada
Tui ses prontu a libberai
dogna ídolu profanu.
5) Marcu e Marcelianu
Tui invitas a non pecai
sighendu a adorai