Is Pregadorias antigas: su signo de sa devozioni - Provincia del ...

194
ti aclamant in generali
santu prodigiosu e mannu.
Po nosu prega riposu…
6. De cussa celesti altura
no iscarèsciast custa terra
de pesti, fàmini e gherra
libberadha cun premura
sucurridha in sa tristura
in su dolori e in s’afannu.
Po nosu prega riposu…
Pregadoria 257
Dèu mi crocu po mi dromí
tres cosas tèngiu a pedí
Cunfessioni, Comunioni, Ollusantu.
Pregadoria 258
Su letu miu est de cuatru tancus
e nci crocant cuatru Santus
cuatru Santus de su Celu
dus a peis e dus a conca,
Nostra Signora chi siat pronta.
IS PREGADORIAS ANTIGAS - SU SIGNU DE SA DEVOTZIONI
Santa Bràbara e Santu Giacu 259
Invocazione per il temporale:
Santa Bràbara e Santu Giacu,
bosu portais is crais de campu,
bosu portais is crais de ceu,
non tocheis a fillu allenu,
non tocheis a fillu nostu
ne in domu ne in su sartu.
Santa Bràbara e Santu Giacu.
Sona sa campanedha 260
Sona sa campanedha
sonadha a forti a forti
chi s’intendat a corti
a corti e a Tueri
mamma mia piberi
mamma mia incrannada
a innui ses andada
a fai farrigina
farrigina de santa.
Apu inténdiu unu prantu
unu prantu de dolori
chi est mortu su Sinniori
chi est mortu e interrau.
E dhi ant imbiau
una literedha bèni iscrita.