Is Pregadorias antigas: su signo de sa devozioni - Provincia del ...

188
IS PREGADORIAS ANTIGAS - SU SIGNU DE SA DEVOTZIONI
Aperei, Signori, is làbius po benedíxiri su Santíssimu Nòmini bostu e de Mamma
bosta Santíssima. Limpiai ancora is corus nostus de totus is malus e impertinentis
pensamentus. Illuminai s’intendimentu nostu, inflammai sa volontadi nostra po chi
atentamenti e devotamenti reseus su Rosàriu de sa Santíssima Mamma bosta, e meresciaus
èssiri ascultaus ananti de sa divina Maestadi bosta chi cun su Babbu e s’Ispíritu
Santu biveis e regnais po totus is séculus de is séculus. Amen.
Allabau sèmpiri siat su nòmini de Gesús e de Maria.
Allabau prus e prus su nòmini de Maria e de Gesús.
Decennàriu 1
Si méditat s’Incarnatzioni de su Fillu de Deus e si resat su decennàriu sighenti.
Babbu nostu, chi ses in is Celus, santificau siat su nòmini tuu. Bengat a nosu su regnu
tuu. Siat fata sa voluntadi tua, comenti in su Celu aici in sa terra. Su pani nostu de dogna
dí donanosidhu oi, e perdonanosí is pecaus nostus cumenti nosàterus perdonaus a is
depidoris nostus. Non si lessis arrúiri in sa tentatzioni, ma libberanosí de mali. Aici siat.
Ofressimentu I
Benigníssima Vírgini Maria, refúgiu de is desperaus, nosàterus ofreus custas oratzionis
in memória de su gosu bostu candu estis contzebiu in is virginalis intrànnias
bostas su Fillu de Deus, e donai gràtzias a su Babbu eternu po su favori de bos ai fatu
mamma de su unigénitu Fillu suu, e po su benefítziu chi ndi est resultau a su gènere
umanu de sa Incarnatzioni sua. Bosi suplicaus chi nosi demonstreis mamma nosta,
alcantzendunosí de s’amau Fillu bostu sa defentza de is ànimas nostras e su donu de
umilidadi in perpétua e úmili schiavitúdini bosta po onori e glória de su Babbu eternu
in unidadi de s’Ispíridu Santu. Amen.
Decennàriu 2
Aundi si méditat sa vísita de Santa Elisabeta, e si resat su decennàriu sighenti.
Babbu nostru…
Ofressimentu 2
O santíssima Vírgini Maria plena de gràtzia, e sa plus benedita intra totu is féminas!
Nosàterus bosi ofereus custas oratzionis in memória de su gosu chi estis tentu in
vísita a Santa Elisabeta a chini fiat istétia revelada de s’Ispíridu Santu s’Incarnatzioni
de su Fillu de Deus e bostu. Bosi suplicaus chi nosi visiteis cun s’agiudu bostu, po chi
sa poténtzia de su Babbu cun sa caridadi de s’Ispíridu Santu nosi fatzais camminai in
bonus passus sèmpiri po is méritus de nostru Signori Gesugristu. Amen.