Is Pregadorias antigas: su signo de sa devozioni - Provincia del ...

Comune di Gúspini
Is gòcius de Maria SS. Assunta
venerada in Gúspini 231
Rit.
Su celu est in allegria
Sa terra in solennidadi
In tronu de Magestadi,
Riposat oi Maria...
I Cun d-una boxi amorosa,
Su fillu dh’at cumbidada,
Beni po èssiri coronada,
Mamma cara, Filla e Isposa;
Totu bella e totu ermosa,
De su Líbbanu gloria.
In tronu de Magestadi ecc...
II De su Carmelu decoru,
De Saròn ses ornamentu,
De su Celu ses cuntentu,
De is Àngelus tesoru;
Po Reina dèu ti adoru.
Mamma de Sabidoria.
In tronu de Magestadi ecc...
III Cun d-una sola mirada
Custu coru as allirgau,
Coru a Tui dedicau,
O columba immaculada;
In su Celu ses esaltada,
Subra dogna gerarchia.
In tronu de Magestadi ecc...
IV In Gesús s’Ascensioni
Fiat prus nóbbili in poténtzia,
Prus rica in magnificéntzia,
Est sa tua Assuntzioni;
Issu Fillu tuu in personi
Ti fait dultzi cumpangia.
In tronu de Magestadi ecc...
V Tui sola e singulari
Subra totu is Cherubbinus,
T’assistint is Serafinus,
Sa Corti Celesti impari;
In su Celu, terra e mari,
Tui tenis sa primatzia.
In tronu de Magestadi ecc...
VI Tui ses dispensadora,
De is gràtzias tzelestialis,
De is pòberus mortalis
Ses potenti protetora;
Noti siast, e no Aurora,
A s’infernali Tirannia.
In tronu de Magestadi ecc...
VII Cussa Régia briglianti
Po tui fiat preparada,
Imperadora destinada,
De su Deus regnanti,
Isposa sa prus amanti,
E digna de Monarchia.
In tronu de Magestadi ecc...
VIII De Gessen ses bellu flori,
De Israelli ricu vantu,
A tui su soli mantu
Solit èssi de risplendori,
Ses sa glória, ses s’onori
De su verdaderu Messia.
In tronu de Magestadi ecc...
IX In Tui est acabbada
S’ostinada e dura gherra,
Chi po s’inferru, sa terra
Tòllerat angustiada;
Eroina preconizada,
De su Celu e terra allegria.
In tronu de Magestadi ecc...
X Cussu corpus tuu sagrau,
Aundi at fatu residéntzia
Noi mesis s’onnipoténtzia
De Gesús, Verbu Incarnau,
Dhu cuntemplant onorau,
Cun angélica melodia.
In tronu de Magestadi ecc...
183