Is Pregadorias antigas: su signo de sa devozioni - Provincia del ...

Comune di Gúspini
Si fuit mamma isconsolada
Maria in sa passioni,
Po alta dispositzioni
s’allegria est duplicada
Po reina coronada
De cudha eterna gloria.
A su celu…
Cun música ricordada
Totus alligrus e cuntentus
Lassendu cudhus assentus
Pa fai festa a s’intrada
Saliat totu acumpangiada
Maria vírgini e pia.
A su celu….
Est arricida cun amori
In sa de su Babbu eternu
Causendu a cudhu infernu
Ispantu mannu e terrori
Cun immensu resplendori
e cun summa melodia.
A su celu…
Dh’arrícidi cun grandesa
Cali fillu e cali isposu
Donendidhi postu onorosu
Cali nóbbili Prioresa
De is àngelus cun lestresa
Est serbida in Galatzia.
A su celu…
In sa valle de tristura
Òrfanus seus aturaus,
A tui nos arricumandaus,
O reina de cudh’altura:
Dona a dogna criatura
Assistentza in s’agonia.
A su celu…
Gòcius de Sant’Antoni de Pàdua 230
Portentu de su Segnori,
De sa Crésia glória e vantu,
Antoni de Pàdua santu
Siais nostu protetori.
Bella planta frutuosa
De sa manu onnipotenti;
Alta, seràfica menti
De dotrina prodigiosa;
Viva istella luminosa
De celesti risplendori.
Antoni ecc.
Birdi cipressu Divinu
In Lusitània plantau,
Depustis chi as abbratzau
Is precetus de Agostinu,
De Franciscu Serafinu
Ti ses fatu imitadori.
Antoni ecc.
Postu in sa Religioni
De su santu Patriarca
In cussa mística barca
Cun ferventi divotzioni,
Su portu de salvatzioni
As otentu cun onori.
Antoni ecc.
De vivu amori infiammau
In cussu santu giardinu,
De Gesús Verbu Divinu
Ses istétiu visitau:
In bratzus tuus, fortunau,
Carignas su Redentori.
Antoni ecc.
Portentosu ti proclamat
Sa terra, su firmamentu,
Arca de su Testamentu
Su pontífici ti aclamat,
181