Is Pregadorias antigas: su signo de sa devozioni - Provincia del ...

180
Acuasanta mi cunfrimu 227
Acuasanta mi cunfrimu
dèu saludu a Deus a primu
poi a Nostra Signora
no apu ascurtau Missa ancora
seu benida a dh’ascurtai
non isciu chi nci apu a torrai
cun s’ànima e cun su cropus,
Gesugristu agiudai a totus.
Arreinedha coronada 228
Arreinedha coronada
a letu de batísimu seis crocada
a letu de batísimu crocheis
Cara Mama ita fadeis?
No dromeis e no abbillais.
Dèu ti naru caru Fillu
ca non dromu e no abbillu
notesta mi fut partu
ca is Giudeus ti portànt
ca is Giudeus ti teniant
sa corona de òru ti ndi ant liau
sa corona de ispinas ti ant postu.
A chi at a nai cust’oratzioni tres bortas
a mengianu ndi at a campai de dogna
puntu malu.
A chi at a nai cust’oratzioni tres bortas
a merí ndi at a campai de mala dí.
A chi at a nai cust’oratzioni tres bortas
a su noti ndi at a campai de mala morti.
Chi dh’at a iscí e non dh’at a nai, chi
dh’at a intendi e non dh’at a imparai
contus sa dí de su Giudítziu Gesugristu
ndi dhi at a pigai.
IS PREGADORIAS ANTIGAS - SU SIGNU DE SA DEVOTZIONI
GÚSPINI
Gòcius de s’Assunta 229
Sa celesti Gerarchia
Fait festa sublimada
A su celu est oi altzada
In ànima e corpus Maria.
Noi corus celestialis
Cun sa prus grand’allegria
Acumpàngiant a Maria
A is salas eternalis,
Spantat totus is mortalis
Su sonu de tali armonia.
A su celu…
Su celu siguramenti
oi est totu triunfanti
cun su motivu bastanti
biendi s’Onnipotenti
cun sa mamma in cumpangia.
A su celu…
Allogat prestu triunfanti
A su celu imperiali
Prus de soli radianti
Intrat, àcuila reali,
in sa corti celestiali
regnat cun soberania.
A su celu…
Po cudhu momentu arribbau
Maria exultat de onori
Chi su própriu Signori
Sa mamma at acumpangiau
Cun is àngelus abbasciau
Cantendu totus a porfia
A su celu….