Is Pregadorias antigas: su signo de sa devozioni - Provincia del ...

170
Pregadoria candu s’inartat
s’Óstia cunsacrada 198
Óstia santa cunsagrada
De àngelus ingiriada
De àngelus e de Apòstolus
Perdonai is pecaus nostus!
Pregadoria de arresai intrendi a crésia 199
Intru a Crésia cun divotzioni, / siat sempri
allabau su Santíssimu e Diviníssimu
Sacramentu.
Àngiulu miu aberri sa cortina, / bollu biri
a su Fillu de Maria, chi est allogau in s’altari
magiori. / Intru a Crésia cun amori / e
a Babbu Creadori, / a Bosu cunfessu Signori
/ si m’apu iscarésciu, / si m’at
iscarésciu calincunu pecau.
Pregadoria de sa Carésima 200
“Regina mia coronada,
Letu batésimu e letu bostu
E dhi andit Fillu bostu
E si nerit “Mamma, ita fadeis,
abbillais o dromeis?”
“Dèu, fillu miu,
No abbillu e no drommu;
notesta fia in sonnu,
in sonnu e in prantu,
notesta, mi fut partu
ca is Giudeus ti teniant,
Is Giudeus ti portànt,
sa corona de òru ti ndi liànt,
sa de ispina ti poniant.
A chi at a nai custas tres bias,
tres bias a mengianu
ndi at a campai de ógnia puntu mau;
tres bias a su noti
nd’at a campai de ógnia malasorti;
tres bias in su sartu
nd’at a campai de tronus e de lampus,
IS PREGADORIAS ANTIGAS - SU SIGNU DE SA DEVOTZIONI
a chi totu dha scit e no dha narat
contu a Deus ndi at a torrai.
Pregadoria de su noti 201
Mortali, no pràngiast / e bivi in alligria /
po fronti a Maria / e po ti consolai, Fillu
fortunau, / chi tenit custa Mamma, / po
Fillu e Isposu / e po Mamma istimada, /
dèu ti saludu istella de su mari, / criatura
tanti privilegiada, / Immaculada, celesti
bellesa, / isprigu de puresa / e mari de
druciura in dogna margura / po tui cuntentu,
/ cun d-unu momentu seu dépiu
cambiai, / unu prantu e un’arrisu, / su
mundu gosu e su mundu Paradisu.
Pregadoria inginughendisì in crèsia 202
Mi ndi pesu abbellu abbellu
Mi acostu a su Celu,
a su Celu e a sa glória,
no seu benida po vanaglória,
seu benida po amai e ringratziai ogni
momentu
su santíssimu e diviníssimu Sacramentu.
Pregadoria innantis de dormiri 203
Mi crocu po mi dromí,
tres cosas tèngiu de ti pedí:
confessioni, comunioni e ollusantu.
In nòmini de su Babbu, de su Fillu
E de s’Ispíridu Santu.
Pregadorias po agatai cosas pérdias 204
Santu Vidu Màrtiri
Chi eis fatu su mundu a parti,
su mundu a parti dh’eis pratziu,
fadeimí agatai su pedrimentu miu.