Is Pregadorias antigas: su signo de sa devozioni - Provincia del ...

162
IS PREGADORIAS ANTIGAS - SU SIGNU DE SA DEVOTZIONI
In custa cuinta Istatzioni si rapresentat su logu, aundi Simoni Cireneu fiat custrintu a
portai sa gruxi de Gesús timendu chi morgessit in camminu.
Cunsidera, ànima mia, chi tui ses cudhu Cireneu chi portas sa gruxi de Gesús o po aparentza
o po fortza, poita ses tropu atacada a is comodidadis de custu mundu. Deh scidadindi
de una borta, e allébia custu grandu pesu a su Signori abbratzendu volontariamenti totu is
patimentus chi issu ti mandat, non solu cun passiéntzia, ma ancora nendu cun gratitúdini:
O amantíssimu miu Gesús, bosi ringràtziu de tantus bellas ocasionis chi mi presentais
de patiri po Bosu e de meritai po mei: deh, fei, o Deus miu, chi sufrendu passientziosamenti
cantu tenit aparentza de mali in custa vida, fatza acuistu de is bènis terrenus
in s’àtera; e prangendu innòi cun Bosu potza regnai apustis in su Celu. Signori,
apu pecau…
Pater. Ave. Gloria
Quis non posset contristari
Christi Matrem contemplari
Dolentem cum filio.
De s’ínclitu gloriosu e soberanu
Unigénitu Fillu suu divinu
Bit orríbbili destinu,
Cambiaus is osannas in doloris.
Prangiaus…
VI Statzioni
V. Adoramus te, Christe, et benedicimus tibi
R. Quia per sanctam crucem tuam redemisti mundum
Custa sesta Istatzioni rapresentat su logu aundi Santa Verónica at astérgiu cun d-unu
velu sa faci de Gesús.
Cunsidera, ànima mia, in custu velu sa faci iscolorida de Gesús; e trasportada de amori
faidindi un’espressivu ritratu in su coru. Oh, tui diciosa si as a bivi tenendu in coru a
Gesús! Oh, tui felitzi si as a morri cun Gesús in su coru! Po dhu meritai naradhi:
Turmentau miu Signori, imprimei, bosi pregu, in custu modu sa figura de sa Faci
bosta sagrada in su coru miu, chi dí e noti pensi sèmpiri a Bosu, e ananti de sa passioni
Bosta dolorosa pràngia sèmpiri is pecaus mius; e nutriu de solu dolori, dispretzi
fintzas a morri sa vida mia passada.
Signori apu pecau.
Pater. Ave. Gloria.
Pro peccatis suae gentis
Vidit Iesum in tormentis
Et flagellis subditum