Is Pregadorias antigas: su signo de sa devozioni - Provincia del ...

Comune di Gonnosfanàdiga
costau de issa fiat su sposu divinu chi dhi poniat in buca sapientis rispostas; e protégia
de Issu confundias su Tirannu cun sa sublimidadi de is sentimentus e cun su
vigori de s’imperàbbili costantza sua. Impongat puru Pascàsiu chi bengat trascinada
a is gisterras de Sòdoma; Deus assaborat in modu tali su brutzu de Luxia chi is carnífitzis
cun totu sa fortza insoru non dha movint unu passu e mancu cun sa fortza de
bòis arribbant a rimovi unu didu s’eroina de Gesús, sa cali aturat firma cument’e turri
chi non crollat. Provat furibbundu Pascàsiu de istudiai àterus modus po reprimi tanta
virtudi e dhi fait ungi a su bistiri ollu cun pixi po dha riduxi in cinisu. Ma ita importat?
Su bratzu de Deus chi iat providiu po is tres pipius sendu in su forru de Babbillónia
e po Danieli in su fossu de is leonis fait iscaresci sa natura insoru a is matérias
prus combustíbbilis e su própriu fogu carignat a Luxia cun flamma inotzenti.
Oratzioni
Ínclita Eroina de sa fidi Luxia, Bosu chi tantu eis operau po sugellai cun su própriu
sànguini sa fidi cristiana, de cudhu luminosu sógliu de glória aundi seis poderosa;
distendei a totus nosàterus su patrocíniu bostu, e fei chi sa memória de is suplítzius
bostus serbat po esemplu a nosu po binci dogna rispetu umanu e po cumbati eroicamenti
is enemigus nostus. Fei chi de su coru nostu si apartint is amarguras, is ódius,
is malas voluntadis. Fei chi ameus sèmpiri s’innocentza de is costúminis, sa puresa
de su coru, sa sintzillidadi de is pensamentus e de is paràulas e chi cunserveus custus
bellus propósitus duranti totu sa vida nosta po nosi assigurai una pretziosa morti.
Sétima dí
Oh, est própriu beru chi Deus at contau fintzas is pilus de sa conca nosta e chi no ndi
arruit unu sentza de voluntadi sua! Si, est beru, o Deus miu, chi Bosu castiais cun
ogus de particulari amori is ànimas giustas e seis sustegnu forti po respíngiri is assaltus
de is ímpius! E Lucia fiat cudhu certu sídiu chi aspirat a cristallina sorgenti cudha
tènera filla chi ambit sa visíbbili presentza de su babbu, cudha gentili isposa totu
apassionada po su Sposu Divinu; e po cussu est chi in coru suu andàt sèmpiri repitendu
una férvida súplica a Deus a ndi dha pigai de custa valle de plantu po dha ammítiri
a s’eternu isposalítziu de su paradisu. S’eróicu votu arribbat a su tronu de Deus e
pustis chi ingenugada Luxia profetizat chi prestu sa Crésia iat a intrai in perfeta paxi
arruit sa conca. De sa giòvuna màrtiri trafígia de su tirannu comenti arruit salit unu
flori de sa planta coment’e úmili viola chi declinat su càlixi a sa fúria de una tempesta.
E da sa di 10 de meseidas de s’annu 304 bolat s’ànima sua a arriciri sa duplicada
corona de sa virginidadi e de su martíriu cun cudha plàcida calma, cun cudha dignitosa
serenidadi chi distínguit is eroinas cristianas.
Oratzioni
Ínclita eroina de sa fidi Luxia po cudhus sentimentus chi eis dimostrau de amori
po Deus infundei in coru nostu e in s’ànima nosta cudh’ispíritu de magnanimidadi
chi cumbenit po afrontai is persecutzionis de custu mundu. Fei chi sa buca e sa
155