Is Pregadorias antigas: su signo de sa devozioni - Provincia del ...

152
Oratzioni
IS PREGADORIAS ANTIGAS - SU SIGNU DE SA DEVOTZIONI
O ínclita Eroina de sa fidi, Luxia miraculosa, candidíssima columba de puresa, a
bosu umilmenti nosi dirigeus po nosi otènniri sa gràtzia de regulai e dirigi a Deus
totus is atzionis nostas. Fadei chi sa Fidi nosta siat una fidi viva credendu is beridadis
riveladas coment’e chi dhas biessis cun is próprius ogus. Operanti, fadendu is òperas
cantu conosceus cun sa menti, pratichendu cantu nosi benit imparau in is santus cumandamentus,
sèmpiri unius a sa santa Crésia in totus is pràticas de su cultu divinu,
e uniformaus sèmpiri a issa cali ossecujosus fillus e membrus de su própriu corpus
fintzas a s’últimu de sa vida nosta. Aici siat (segno della croce). Si narat unu Babbu
Nostu, un’Ave Maria e unu Gloria Pater a S. Luxia.
V: Specie tua et pulcritudine tua
R: Intende prospere procede et regna
Oremus
Exaudi nos Deus salutaris noster; ut sicut de beatae Lucie, virginis et martyris tue,
festivitate gaudemus, ita piae devotionis erudiamus affectu. Per Dominum etc…
Segunda dí
Lontana Eutíchia de cudhas inétzias chi po culpa de is mammas faint pèrdiri a is fillas
s’indiritzu de una bona educatzioni non fait che racontai a Luxia su cuntegnu de
santas cristianas illustris chi ant sighiu su caminu de sa perfetzioni e de santas migliajas
de màrtiris chi anti versau su sànguini insoru po sa difesa de sa fidi; e aici
infundit in su débbili coru de sa filla is primus sèminis de sa virtudi, is iscintillas de
sa prus santa emulatzioni. Ne Luxia benit mancu a is ammaestramentus de sa mamma
e suspirat su momentu de pòdiri imitai s’esemplu de tantus Eroes, e de serrai, bolendu
Deus, cun d-una eróica morti una vida plena de méritus. Intantu avanzat in is
annus sa giovunedha Luxia e cun is annus aumentat su fervori de una meravigliosa
piedadi: e dotada comenti fiat de una peregrina bellesa ocultat cantu podit custu donu
cun su velu chi cumbenit a totu is giòvunas, su velu de sa modéstia. E po si uniri a
Deus cun vínculus prus sodus pronúntziat solenni votu de perpétuu candori rinuntziendu
a is mellus partidus lusingaus de sa rara sua bellesa, de sa nóbbili discendentza
e de sa vasta richesa sua. Fiat issa sa meravíglia de Siracusa e totus ambiant sa
manu sua poita a s’atrativa de is annus acopiada sa seriedadi de una veneranda matrona.
Unu giòvunu si ritenit su prus aventurosu e giai si vantat de tenni a Luxia po
isposa. Ma issa perseverendu in s’amori de s’Angioni Immaculau chi non bolit divisioni
de afetus intendit in coru una boxi chi dh’assigurat sa protetzioni de su celu e
aspetat trancuilla is dispositzionis de sa Providéntzia de Deus.
Oratzioni
Ínclita eroina de sa fidi Luxia onori e glória de sa nobbilesa, otenenisí de Deus chi
umiliaus in nosàterus etotu impareus a regulai is disígius nostus in modu chi custus
non bessant de is límitis de is santus cumandamentus sus, po chi s’amori de is bènis