Is Pregadorias antigas: su signo de sa devozioni - Provincia del ...

Comune di Gonnosfanàdiga
bagnau sèmpiri in mesu a su soli, s’arca de s’alleantza, formada de linna, chi mai si
depiat torrai a currúmpiri; su lillu in mesu a is ispinas salvu e intatu: totus custas figuras
e similantzas annúntziant e nosi faint cumprèndiri sa puresa singulari de Maria fintzas
de su primu instanti. Ma custas figuras fuedhant ancoras a is tempus modernus. Tantu
est chi dogna pópulu, dogna natzioni, is mannus, is piticus, is dotus e is ignorantis, is
ingegnus is prus sublimis e is prus símplitzis totus a una boxi, ant aclamau po s’ispàtziu
de dexiotu séculus s’immaculada Concetzioni de Maria: paràula imparada de s’Ispíritu
Santu, e passada de menti in menti, de coru in coru, de língua in língua cun perpétua e
inoltrada traditzioni. E finalmenti sa Crésia católica, cun infallíbbili magistériu de su
supremu Pontífitzi Pio IX, in sa dí otu de Dicembre de su mille otuxentu cincuanta e
cuatru in mesu a s’esultantza de sa terra e de su celu, pronúntziat sa infallíbbili senténtzia
sua: chi sa Concetzioni de Maria est immaculada. E nosu ancora in mesu a s’universali
aclamatzioni, artziendu sa boxi nostra po su sentimentu nostru própriu, e meda
po úmili e sintzeru aconsentimentu a sa Crésia Católica, mamma e maista nosta, repiteus
ancoras nosu cun fidi sa prus firma: Issa est Immaculada.
Pater, tre Ave e Gloria
Oratzioni a sa Santíssima Trinidadi
Santíssima Trinidadi. Únicu Deus! Bosu ispiegais a is óminis po mesu de is profetzias,
de is figuras, is òperas bostas prus singularis e ecelsas, custu est efetu de sa poténtzia,
de sa sapiéntzia e bondadi de Deus, unu e trinu. Cun sa poténtzia bosta, si serbeis de is
avenimentus de totus is tempus, po manifestai sa grandesa de is òperas bostas. Cun sa
sapientza, si serbeis de is cosas presentis e dhas ordinais po illustrai is futuras. Cun sa
bondadi bosta agiudais sa debbilesa de sa menti nosta, po nosi fàiri cumprèndiri po sèi
etotu. Oh linguàgiu meravigliosu, e istupendu e totu dignu de bosu, o Santíssima Trinidadi!
Cun custu linguàgiu bosu ispiegastis is grandesas de Gesugristu, e de is mistérius
sus, chi s’òpera est prus ecelsa de sa polémica, sapiéntzia e bondadi bosta. E fiat prus
che giustu chi in su própriu modu bosu annuntziai depestis e ispiegai is grandesas de
Maria e printzipalmenti sa singulari puresa sua, chi est s’òpera prus singulari e ecelsa,
debustis s’òpera de Gesugristu, o mellus nai chi incontrat is òperas de Gesugristu,
coment’e una gemma pretziosa innestada in d-una corona Reali. Immoi si ringràtziu, o
Summa Trinidadi: sa glória de custas bellas òperas est totu bosta. Ma est ancora òpera
chi bosu si seis dignau de dha cumpliri in mesu a nosàterus e a nosu dh’eis annuntziada.
Bosi pregaus de non fàiri dignus de dhas sacrificai in custa vida e in s’eternidadi, de
nosi fàiri dignus de dhas glorificai, in custa vida e in s’eternidadi.
Un Pater, tre Ave e Gloria
Oratzioni a Maria Immaculada
Puríssima Vírgini Maria! Ecu, su celu e sa terra, Deus e is óminis, s’antigu e su nou
testamentu, dogna edadi e dogna língua su magistériu infallíbbili de sa crésia católica
e fintzas su própriu inferru, sa confusioni sua proclamat a bosu Maria Immaculada.
Nosu eus cunsiderau is prus títulus sublimis po is calis bosu possideis una glória aici
bella, títulus chi sunt tanti mistériu de saludi e consolatzioni po nosàterus. E, arrib-
149