Is Pregadorias antigas: su signo de sa devozioni - Provincia del ...

146
IS PREGADORIAS ANTIGAS - SU SIGNU DE SA DEVOTZIONI
tendidhi una vitória sa prus cumplia. Cudhu infami serpenti, ministru de morti, mandau
a tui, o Eva, de s’inferru chi fendu pecai a tui e a Adamu causau iat s’originali pecau, in
totus is fillus tuus si, cussu própriu serpenti, benit de Maria apetigau e pistau. Credendusí
su malignu siguru bincidori de is óminis, benit su coràgiu de s’acostai ancoras a
Maria; ma non podendu penetrai s’àlidu suu velenosu in su bistiri de luxi, chi dh’adornat,
in su bestiri de su nienti, aturat confúndiu e in su própriu instanti apetigau de su pei
de custa fémina forti. Chi bollit nai, chi endu Maria evitau e dispretzau su pecatu originali
chi càusa est de dogna àtera culpa in totus is fillus de Adamu, non prus artzat sa
conca sua superba s’infami contra de issa: non si vantat de tènniri acapiaus totus in
óminis; ma aviliu e tentu s’istat asuta de is peis suus. In custu modu, si cumplit contra
de s’inferru, s’antiga senténtzia, de Deus pronuntziada in su Paradisu terrestri:
Inimicitias bonam inter te et mulierem… 190 ipsa conterit caput tuum (Genesi .., 19)
Pater, tre Ave e Gloria
Oratzioni a sa Santíssima Trinidadi
O Santíssima Trinidadi, únicu Deus: cantu sunt ammiràbbilis is òperas bostas e is
caminus, po is calis dhas ghiais! Bosu criais s’ómini in s’innocéntzia, s’ómini arruit
de cuss’istadu tanti felitzi e bosu dhu ristabbileis. Ma comenti? In su própriu modu
cun su cali issu est arrutu. S’infernali serpenti, fingendusí amigu de sa prima fémina
chi fiat Eva, sedusendidha, at causau custa disgràtzia. E bosu boleis chi cussu serpenti
siat apetigau e bintu de una fémina, e de una chi no ascurtat is sugestionis de issu,
contra de Deus, chi dh’est sèmpiri inimiga, chi at riportau vitória de issu. Sa fémina
sedúsia sedusit e fait prevaricai su primu ómini, chi fiat Adamu. E bosu boleis chi sa
fémina vitoriosa, chi est Maria, donit a su mundu su segundu Adamu, chi est Gesugristu.
Bosu, o Santíssima Trinidadi si cumplaxeis de ristabbiliri s’ómini arrutu, distruendi
s’òpera de su dimóniu. E meda prus felicementi chi su dimóniu chi at ordiu
s’infernali disignu Si seis mostrau prus Santu, e prus gloriosu in su ristaurai s’ómini
arrutu che su dhu formai de princípiu. Nos eis donau un’Adamu, totu celesti e divinu,
in logu de su primu, mancai innotzenti, ma totu terrenu. E nos eis donau a Maria, noa
Eva, meda prus santa, e meda prus pura de sa prima. In custu modu bosu cunverteis sa
pérdita in guadagnu e de unu mali, iscieis bogaindi bènis is prus mannus. Oh cantu
sunt ammiràbbilis is òperas bostas!
Pater, tre Ave e Gloria
Oratzioni a Maria Immaculada
Puríssima Vírgini Maria! Bosu in s’istanti de sa Concetzioni Bosta, seis cumparta càndida
coment’e sa luna, bella coment’e s’aurora, risplendenti coment’e su soli, ma a su
própiu tempus terríbbili a s’inferru, coment’e un’esércitu ordinau a sa batàglia. Ma ita,
cali cosa est chi si fait tantu terríbbili? Est sa puridadi, est sa santidadi sovrana, cun sa
cali eis fatu sa prima cumparsa bosta. Dhoi cumpareis coment’e Reina ingiriada de
luxi, plena de is delítzias, cun su Deus Babbu, chi s’at fatu filla primogénita, cun Deus
Fillu chi s’at fatu mamma, cun Deus Ispíritu Santu, chi s’at elígia isposa.
Dominus dium.