Is Pregadorias antigas: su signo de sa devozioni - Provincia del ...

140
IS PREGADORIAS ANTIGAS - SU SIGNU DE SA DEVOTZIONI
E bosi pregaus, o Piedosu divinu Ispíritu, de torrai de Maria a nos àterus: e unu
caràteri de santidadi imprimendu in is corus nostrus, disígius de èssiri sèmpiri su
motori e assidu moderadori de totus is sentimentus nostrus e oratzionis.
Pater, tre Ave e Gloria
Oratzioni a Maria Immaculada
Puríssima Vírgini Maria! Dèu adoru s’Ispíritu santificadori chi totu si ocupat e si
possidit in su primu instanti de sa pretziosíssima vida bosta. Adoru s’abbundàntzia de
sa gràtzia, chi fintzas de cussu puntu at arrichiu su sinu bostu castíssimu. E adoru is
inefàbbilis operatzionis de custu Ispíritu, asuba de bosu chi totu de issu ocupada, ne
pentzamentus estis mai cuntzebiu, si non castíssimus, ne inclinatzionis ne afetus, si
non ordinadíssimus, ne atzionis mai festis, si non virtuosíssimas, ne unu passu donastis
in totu sa vida bosta, ne una parola, ne una mirada, ne cun cali si siat movimentu
chi non fessit, de sa infinita santidadi de Deus digníssimu. Ah bosu seis veramenti sa
plena de gràtzia, sa benedita intra totus is sémplitzis creaturas, veramenti est cun
bosu, fintzas de su printzípiu, in modu totu singulari. Ma arregodaisí, o Maria, chi
non bosu solamenti arricestis in su sinu bostu s’Ispíritu santificadori, e tanta abbundàntzia
de gràtzia arricestis non po bosu sola; ma po dha trasfúndiri ancoras cun
abbundàntzia in is pòberus fillus de Adamu, e signaladamenti in cudhus chi si glóriant
in modu particolari de èssiri divotus bostus.
Pater, tre Ave e Gloria
Cuarta dí
Maria criada, redimia, santificada in modu totu singulari e inefàbbili mancai non
cumpàrgiat a su mundu che cuaranta séculus apustis sa creatzioni de Adamu, primu
babbu nostu, est nienti mancu sa creatura primogénita, tra totus is creaturas puras de
sa terra e de su celu; est sa filla predileta de s’Eternu Babbu. No, no est sa distàntzia
de is tempus chi misurat sa dignidadi de is creaturas. In faci a Deus dogna tempus est
presenti, e mille annus chi depint bènniri, sunt cumenti una dí, chi est già passada. Sa
dignidadi de is creaturas si misurat de cudhu chi issas sunt in riguardu a Deus. Sa
santa crésia nosi imparat de àtera idea non si depeus formai de Maria, che cudha chi
is divinas iscrituras nosi donant de sa increada sapientza, est a isciri de su própriu
eternu Fillu de Deus. Sigomenti su Fillu in su mistériu de sa Santíssima Trinidadi est
su primogénitu de su Babbu, aici tra is puras creaturas, Maria est sa primogénita. Su
Fillu generau ab eterno in su sinu de su Babbu, a issu uguali, Maria, viva immàgini
ancoras issa, non già uguali a su Babbu, ma a issu prus che símili. Su Fillu ogetu
primàriu de is eternas cumplaxéntzias de su Babbu: Maria s’àteru ogetu de is divinas
delítzias, tra totus is puras creaturas. Insumma, comenti su fillu Fiat ab eterno personalmenti
cun su Babbu; aici Maria fiat in sa menti de su Babbu presenti ab eterno non
comenti is àteras símplitzis creaturas, ma tali cali est istada de issu creada in su
tempus, sa prima in dignidadi, in privilégius, in gràtzia, sa prus bella, sa prus digna,
s’única sèmpiri immaculada, e sèmpiri santa, cudha, in d-una paràula, chi segundu sa
veríssima senténtzia de unu santu