Is Pregadorias antigas: su signo de sa devozioni - Provincia del ...

130
IS PREGADORIAS ANTIGAS - SU SIGNU DE SA DEVOTZIONI
Su primu mistériu dolorosu s’oratzione de Gesugristu in s’ortu, su segundu sa flagellatzioni
de Gesugristu, su tertzu sa coronatzione de ispinas, su cuartu su viàgiu de
Gesugristu in su calvàriu, su cuintu sa morti de Gesugristu in pitzu de sa cruxi.
Su primu mistériu gaudiosu s’annunciatzione de s’Àngelu a sa Vérgine Santíssima, su segundu
sa visitatzioni de Maria a Santa Elisabeta, su tertzu sa nàscita de Gesugristu, su cuartu
sa presentatzione de Gesugristu a su témpiu e su cuintu su ritrovamentu de Gesugristu.
Ogu pigau 172
Susanna at fatu a Anna
E Anna at fatu a Maria
Maria a Gesús at fatu
In nom’e su Babbu
E su Fillu e a s’Ispíritu Santu
Ci essit fora sa punta
Peri su soli, peri sa luna, peri su mari
Chi sa noti de Natali
No ndi torret a nasci.
Po is istracias 173
Sant’Àbrara e Santu Giacu
Bosu portais is crais de lampu
Bosu portais is crais de celu
Non tocheis a fillu allenu
Ne in domo e ne in su sartu
Santa Bràbara e Santu Giacu
E Santu Pissenti Ferreri.
Po sa comunioni 174
Da recitare quando, senza confessione,
non si poteva fare la Comunione.
Sa mesa est apariciada
De Àngelos ingiriada
De àngelos po serbiri
Diciosa cudha diri
Chi s’ànima mia
Già límpia e pura
E sentza ingannu
Non podiat èssi
Prus manna de nobbilesa
Su mi biri in custa mesa
De su celu sagrau
Cessu cessu! S’amorosu bellu
Non mi abbastat su coru
De reciri custu tesoru!
Pregadoria de arresai innantis de dormiri 175
Andho e mi croco in su miu letu
(Altra versione: Deo mi c’intru a su miu letu)
Cun d-un’Àngelu prefetu
Cun d-un’Àngelu cantendu
Gesugristu est predichendu
Cun sa luna e cun su soli
Cun su beatu Sarbadori
Cun su beatu Serafinu
Mama (Nostra Signora) de bonu caminu
De bonu caminu deretu
Laudau sèmpiri siat su Santíssimu
Sacramentu.
(Siat sempre laudadu su Santíssimu Sacr.)
Pregadoria de su mengianu 176
Babbunostedhu pitiu pitiu
Pesau mi seu de bonu matinu
Pesau mi seu de bonu mengianu
(Altra versione: De bonu matinu mi seu pesau)
Ogus a celu e mi seu incrarau
Ogus a celu e a sa Gloriosa
Friscus seus che sa rosa
Friscus seus che su lillu
Babbu (Mama) tenit unu coru fillu
Mama (Babbu) tenit unu coru santu,
Babbu, Fillu e Ispíritu Santu.