Is Pregadorias antigas: su signo de sa devozioni - Provincia del ...

Comune di Gésturi
Fizu meu sacrificadu
Chie t’at mortu, e chie?
Cagliàdebbos, creaturas,
Lassade piànghere a mie!
Cale manu caru Fizu,
T’at coronadu de ispinas?
Chie, sas trícias divinas
T’annuit, biancu lizu?
De su coro meu, Fizu,
Chie t’at mortu e chie?
Cagliàdebbos, creaturas,
Lassade piànghere a mie!
Ue est cudhu cuntentu
Chi unu tempus passadu aia?
Ue est cudha allegria
De su tou naschimentu?
Fizu de Mamma e cuntentu
Chie t’at mortu, e chie?
Cagliàdebbos, creaturas,
Lassade piànghere a mie!
Est de cavaglieri o dama
Custu nóbbile presente,
O est de calchi parente
Chi l’imbiat a sa Mama?
O Fizu meu de fama,
Chie t’at mortu, e chie?
Cagliàdebbos, creaturas,
Lassade piànghere a mie!
Ite male as procuradu,
Fizu, a sos pecadores?
Pro tantos mannos favores
Custa paga t’ant dadu?
Rispòndemi, coro amadu:
Chie t’at mortu, e chie?
Cagliàdebbos, creaturas,
Lassade piànghere a mie!
Divina rosa incarnada,
Chie su coru t’at fertu
Cun sa crudele lantzada?
O Mamma disconsolada
Chie t’at mortu, e chie?
Cagliàdebbos, creaturas,
Lassade piànghere a mie!
Cumplidu as su disizu
De ti bider interrare.
Mi ant chérfidu lassare
Viver po piús fastizu;
O isfiguradu lizu,
Chie t’at mortu, e chie?
Cagliàdebbos, creaturas,
Lassade piànghere a mie!
Nade, nade, o pecadores,
Ita male bos at fatu?
Rispondhe pópulu ingratu,
Ite sunt custos favores?
Fizu, mortu cun rigores,
Chie t’at mortu, e chie?
Cagliàdebbos, creaturas,
Lassade piànghere a mie!
O ànghelos de s’altura,
O Giuanne e Maddalena,
Acumpagnade cun pena
Su mortu a sa sepoltura,
Fizu de Mamma e tristura,
Chie t’at mortu, e chie?
Cagliàdebbos, creaturas,
Lassade piànghere a mie!
Cun chie mi lassas, Fizu,
Cun chie, babbu amorosu,
Cun chie divinu isposu,
In tantu forte fastizu?
Cara de biancu lizu,
Chie t’at mortu, e chie?
Cagliàdebbos, creaturas,
Lassade piànghere a mie!
Già chi est mortu Fizu meu,
Acabbade como a mie,
Morza totu in d-una die
127