Is Pregadorias antigas: su signo de sa devozioni - Provincia del ...

126
Ne connosches a sa Mamma,
Ne connosches a su Fizu,
Cumplidu azis su disizu
De lu bídere acabbare.
Dàdemi pro amore ‘e Deu
Calchi cosa a l’interrare.
Limósina, cristianos,
Dàdemi in custu cunflitu,
Pro unu sentza delitu
Mortu de tirannas manos.
Coros duros inumanos
No mi cherent iscultare.
Dàdemi pro amore ‘e Deu
Calchi cosa a l’interrare.
O chelos, ite ispetades,
O montes, ite faghides,
Feras, proite tardades,
Bentos proite no benides
Già chi umanas voluntades
No si cherent apiedare?!
Dàdemi pro amore ‘e Deu
Calchi cosa a l’interrare.
De sa vengativa fama,
O giudàicu consizu,
Già chi as mortu su Fizu
Acabba como a sa Mamma,
Afligida e trista dama,
Chie mi det consolare?
Dàdemi pro amore ‘e Deu
Calchi cosa a l’interrare.
O Fizu meu, passéntzia,
Ca no ti dant sepoltura,
No b’at como creatura
Chi nos tengat riveréntzia,
Fatu apo s’isperiéntzia,
Fatu apo su chircare.
Dàdemi pro amore ‘e Deu
Calchi cosa a l’interrare.
Lis ponzo in prendha su mantu,
Lis ponzo in prendha su coro,
IS PREGADORIAS ANTIGAS - SU SIGNU DE SA DEVOTZIONI
In prendha lis do su tesoro
Chi est s’Ispíridu Santu;
Cun làgrimas e cun piantu
No mi cherent agiudare.
Dàdemi pro amore ‘e Deu
Calchi cosa a l’interrare.
PRO SA SÉTIMA DIE
O trista fatale die,
Oras penosas duras,
Cagliàdebbos creaturas,
Lassade piànghere a mie!
A mie tocat su piantu,
A mie su sentimentu,
Devo piangher de assentu
E giugher s’oscuru mantu,
Ca so afligida tantu,
Chie lu det sufrire, chie?
Cagliàdebbos creaturas,
Lassade piànghere a mie!
A mie tocat su dolu
Proite su mortu est meu,
A mie tocat su teu,
A mie su disconsolu;
Fizu de Mamma e consolu,
Chie t’at mortu e chie?
Cagliàdebbos creaturas,
Lassade piànghere a mie!
Giusepe d’Arimatia
De sa rughe l’isclavesit,
In bratzos mios ti ponzesit,
Coro de s’ànima mia;
Fizu de Mamma allegria,
Chie t’at mortu e chie?
Cagliàdebbos creaturas,
Lassade piànghere a mie!
De samben t’ant carrigadu
De piagas t’ant circuidu,
De atzotas t’ant consumidu,
De ispinas t’ant coronadu;