Is Pregadorias antigas: su signo de sa devozioni - Provincia del ...

Comune di Gésturi
Proit’est sole luminosu
De sa corte celestiale,
Cun custa nova mortale
sa vida at acabbadu.
Nara si s’amadu meu
In custu logu est passadu.
Eo so cudha afligida
Mamma sa piús disdiciada,
eo so sa tribbuliada,
Eo so sa persighida;
O prendha mia nodida,
Chie ti at maltratadu?
Nara si s’amadu meu
In custu logu est passadu.
Adios, Verónica mia,
Ca bandho sighende su rastru,
Alcunu grave disastru
Si li sighet a Maria
Timo chi no perdat sa ia
Ue l’ant aer portadu.
Nara si s’amadu meu
In custu logu est passadu
PRO SA SESTA DIE
Già chi no cherides dare
Sepoltura a Fizu meu,
Dàdemi pro amore ‘e Deu
Calchi cosa a l’interrare.
Andhados si che sunt totus
Pustis chi l’ant inclavadu
A medas apo chircadu
E nisciunu mi at connotu,
Fintzas s’amigu e devotu
No mi cheret agiudare.
Dàdemi pro amore ‘e Deu
Calchi cosa a l’interrare.
No seo como Maria
Si no Mamma de dolores,
Pro cussu sos pecadores
No mi tratant cortesia
E passant peri sa via
Sentza mancu saludare.
Dàdemi pro amore ‘e Deu
Calchi cosa a l’interrare.
O cristiana criatura,
Dami alcunu cunfortu
Ca tenzo ancora su mortu
Sentza tenner sepoltura;
Cussa si ch’est pena dura
Chi mi faghet lagrimare!
Dàdemi pro amore ‘e Deu
Calchi cosa a l’interrare.
Fizu meu abbandhonadu,
Fizu meu persighidu,
Como chi t’ant distruidu,
Como chi t’ant inclavadu
Nisciunu s’est lastimadu
De pòdere sepultare.
Dàdemi pro amore ‘e Deu
Calchi cosa a l’interrare.
Ànimas devotas mias,
Benide totus impare,
Benide pro nd’abbasciare
De sa rughe a su Messias,
Cun dobbladas allegrias
Gesús cherzo de pagare.
Dàdemi pro amore ‘e Deu
Calchi cosa a l’interrare.
Andhendhe de porta in porta
Totus sas domos chirchende,
Caridade dimandhendhe
Pro custa persona morta
Nisciunu mi dh’at regorta,
Ne mi cheret iscultare.
Dàdemi pro amore ‘e Deu
Calchi cosa a l’interrare.
In custu grandhe fastizu,
In custa pena e fama,
125