Is Pregadorias antigas: su signo de sa devozioni - Provincia del ...

124
A mie tocat su teu
Su piantu e disconsolu,
Ca su coro meu solu
Custa morte at penetradu.
Sete ispadas de dolore
Su coro m’ant trapassadu.
Nisciunu pianghet su Fizu
Si no s’afligida Mamma,
Ispetendhe custa fama
de su celeste consizu,
Pianghet sola cun fastizu
Custu tormentu serbadu.
Sete ispadas de dolore
Su coro m’ant trapassadu.
PRO SA CUINTA DIE
Cun tristu mantu abbasciadu
Preguntat Maria a su reu:
Nara si s’amadu meu
In custu logu est passadu.
Verónica mia amada,
Gasie tengat sa glória
Si est chi tenet in memória
A Maria s’atristada,
De sa prendha mia istimada
Dami celeste recadu.
Nara si s’amadu meu
In custu logu est passadu.
Carrigadu de cadenas
Unu ndh’at passadu inoghe,
Sentza respiru, ne boghe
Pro sos turmentos e penas,
Sas laras de samben pienas
De sos colpos chi li ant dadu.
Nara si s’amadu meu
In custu logu est passadu.
Verónica mia amada,
Cussu no est Fizu meu,
Chi dat a totus recreu
IS PREGADORIAS ANTIGAS - SU SIGNU DE SA DEVOTZIONI
Cun sa lughe de sa cara,
De bellesa tantu rara,
De corpus bene assentadu.
Nara si s’amadu meu
In custu logu est passadu.
Sas trempas abbofetadas
Sas massidhas male fertas,
Sas palas giughet abbertas
E totu insangrentadas,
De cantu sunu culpadas
Li est su respiru mancadu.
Nara si s’amadu meu
In custu logu est passadu.
Est Fizu meu Divinu
Su menzus de sa cara ermosa.
Dogna massidha una rosa,
Dogni trempa unu germinu,
Personàgiu pellegrinu
Garbu su piús agiustadu.
Nara si s’amadu meu
In custu logu est passadu.
Circundhadu de agutzinos
e de tanta zente mala.
Cun d-una rughe a pala
Lu portant sos arguzinos,
Totu intintos sos camminos
De samben nos at lassadu.
Nara si s’amadu meu
In custu logu est passadu.
Sunt rajos de oro lughente
Sos pilos de Fizu meu
Est creadu dae Deu
Illustre sole isplendhente,
Che Fizu meu in sa zente
Piús bellu no ndh’at nadu.
Nara si s’amadu meu
In custu logu est passadu.
Tremendu est su signale
De su fizu meu amorosu,